रिंकू देसाईसह बोंद्रेनगरातील १२ जणांवर लक्ष्मीपुरी पाेलीस ठाण्यात गुन्हा दाखल

काेल्हापूर : ‘माझा बर्थ डे (birthday) आहे. माझे पोस्टर लाव नाही तर तुझ्याबद्दल वेगळा विचार करावा लागेल अशी धमकी देत विजय उर्फ रिंकू देसाई व त्याच्या साथीदारांनी घरात घुसून दोघांवर शस्त्राने हल्ला करून जखमी (injured) केल्याप्रकरणी (kolhapur) लक्ष्मीपुरी पोलिसांनी (laxmipuri police station) १२ जणांवर गुन्हे दाखल केले आहेत. (rinku desai latest marathi news)

या तलवार हल्ल्यात कृष्णात बोडेकर आणि संतोष बोडके हे दोघे जखमी झाले आहेत. त्यांना सीपीआर रुग्णालयात उपचारार्थ दाखल करण्यात आले आहे. दरम्यान कृष्णात बोडेकर यांनी लक्ष्मीपुरी पोलिस ठाण्यात देसाई व अन्य साथीदारांबाबत मारहाणीची तक्रार दिली.

या तक्रारीनंतर लक्ष्मीपुरी पोलिसांनी विजय उर्फ रिंकू देसाई (rinku desai) , प्रकाश बोडके, रामचंद्र बोडके, तानाजी फाले, लक्ष्मण येडगे, बाबूराव गावडे, नितीन वरेकर, प्रथमेश जानकर, सागर बोडेकर, तानाजी शेळके, सुनिल बोडके, चंदर बोडके (सर्व राहणार बोंद्रेनगर) यांच्यावर गुन्हा दाखल झाला आहे.

Edited By : Siddharth Latkar