Hingoli Crime News : हिंगोलीत चोरट्यांनी धुमाकूळ घातला आहे. एका रात्रीत चाेरट्यांनी दहा तोळे सोने, 70 तोळे चांदी व एक लाख चाळीस हजार रुपयांवर डल्ला मारला आहे. (Maharashtra News)
हिंगोली (hingoli) जिल्ह्यातील औंढा तालुक्यातील पिंपळदरी गावात चोरट्यांनी मध्यरात्री धुमाकूळ घातला आहे. एकाच वेळी चोरट्यांनी साखर झोपेत असलेल्या नागरिकांच्या घरावर डल्ला मारत सोने चांदी व रोख रक्कम घेऊन चोरटे पसार झाले आहेत, धक्कादायक म्हणजे या चोरट्याने चोरी केल्यानंतर गावातीलच वाहनावरून पलायन केले आहे.
चोरट्यांनी चोरी केलेल्या वस्तूंमध्ये दहा तोळे सोने 70 तोळे चांदी व एक लाख चाळीस हजार रुपयांचा ऐवज आहे. दरम्यान या घटनेनंतर हिंगोलीच्या स्थानिक गुन्हे शाखेने (lcb) नाकाबंदी करत चोरट्यांची दुचाकी जप्त केली आहे, मात्र अंधाराचा फायदा घेऊन चोरटे पसार झाले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
