- विनायक वंजारे
संपुर्ण कोकण किनारपट्टी व लगत असलेल्या गावातील जांभा दगड खाणी भूमाफियांच्या घशात घालण्याचा कुटील डाव मुख्यमंत्री एकनाथ शिंदे व उपमुख्यमंत्र देवेंद्र फडणवीस यांनी आखल्याचा गंभीर आरोप खासदार विनायक राऊत यांनी शिंदे-फडणवीस यांच्यावर केला आहे. ते मालवण येथे माध्यमांशी बाेलत हाेते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मालवण शहरात शिवसेना ठाकरे गट व महाविकास आघाडीच्या वतीने मालवण शहरात रॅलीचे आयोजन करण्यात आले होते. यावेळी विनायक राऊत यांनी मुख्यमंत्री एकनाथ शिंदे व देवेंद्र फडणवीस यांच्यावर गंभीर आरोप केले.
विनायक राऊत म्हणाले 4 मार्च 2024 ला या सरकारने जीआर काढून संपूर्ण कोकण किनारपट्टी सिडको प्राधिकरणाच्या माध्यमातून भुमाफीयांच्या घशात घालण्याचा डाव आखला आहे. यावेळी विनायक राऊत यांच्या समवेत कुडाळ-मालवणचे आमदार वैभव नाईक यासह महाविकास आघाडीचे पदाधिकारी व कार्यकर्ते उपस्थित हाेते.
उद्धव ठाकरेंची आज कणकवलीत सभा
दरम्यान शिवसेना पक्षप्रमुख उद्धव ठाकरे यांची आज कणकवली येथे प्रचार सभा होणार आहे. केंद्रीय मंत्री नारायण राणे यांच्या कणकवलीतील होमपिचवर ही सभा होत असून राणेच्या घरापासून हाकेच्या अंतरावर ही सभा होणार आहे.
ज्या ठिकाणी आज उद्धव ठाकरे यांची सभा होते आहे त्याच ठिकाणी उद्या राज ठाकरे व नारायण राणे यांची सुद्धा सभा होणार असल्याने आजच्या सभेत उद्धव ठाकरे नेमकं कोणाला टार्गेट करताहेत हे पाहणं महत्त्वाचं ठरणार आहे. सिंधुदुर्ग रत्नागिरी लोकसभा मतदारसंघात नारायण राणे विरुद्ध विनायक राऊत असा लक्षवेधी सामना होतोय. त्यामुळे आजच्या सभेला महत्त्व प्राप्त झाल आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.