Pune Rain Video : पुण्यात सोसाट्याच्या वाऱ्यासह मुसळधार पाऊस, रस्त्यांना नद्यांचं स्वरूप; पाहा व्हिडिओ

एकीकडे लोकसभा निवडणुकांच्या निकालाची रणधुमाळी सुरू आहे, तर दुसरीकडे पुण्यात मुसळधार पावसाने हजेरी लावलीये. गेल्या दोन तासांपासून पुण्यामध्ये मुसळधार पावसाच्या सरी बरसत आहेत. त्यामुळे अनेक सखल भागात पाणी साचलं आहे.

मिळालेल्या अधिक माहितीनुसार, पुण्यात गेल्या दोन तासांपासून पाऊस सुरू आहे. अशात काही ठिकाणी मतमोजणी केंद्रात देखील पाणी साचलं आहे. ⁠कोरेगाव पार्क परीसरातील भारतीय अन्न महामंडळाच्या गोडाऊनमध्ये बारामती आणि पुणे लोकसभेची मतमोजणी सुरू होती. पावसाचा जोर वाढल्याने येथे देखील पाणी भरलं. ठिकठिकाणी पाणी साचल्याचे व्हिडिओ देखील समोर आलेत हे व्हिडिओ आता सोशल मीडियावर व्हायरल होत आहेत.

पावसामुळे काही ठिकाणी झाडांची देखील पडझड झाली आहे. ११३५ कसबा पेठ सुपेकर वाडा येथे झाडाची मोठी फांदीपडून रस्ता बंद झाला आहे. अग्मिशमन दलाकडून येथे दाखल होत झाड रस्त्यातून बाजूला करण्याचे काम सुरु आहे.

पुण्यात भाजपचे मुरलीधर मोहोळ यांचा विजय झाला आहे. मात्र मुसळधार पावसामुळे विजयी उमेदवार मुरलीधर मोहोळ यांनी घराकडे धाव घेतली आहे. पावसामुळे पुण्यात युतीच्या कार्यकर्त्यांच्या सेलिब्रेशनला देखील ब्रेक लागला आहे.