Maharashtra Politics 2024 : 'बंद दाराआड'च्या चर्चेची नवी स्क्रिप्ट? आदित्य मुख्यमंत्री, फडणवीस दिल्लीत अर्थमंत्री?

आदित्य ठाकरेंना मुख्यमंत्री बनवून फडणवीसांना दिल्लीत जायचं होतं, असा दावा ठाकरेंनंतर आता संजय राऊतांनीही केलाय. यावर आदित्य ठाकरेंची मुख्यमंत्री बनण्यास अजून परिपक्व नाहीत, असा जोरदार पलटवार चंद्रशेखर बावनकुळे यांनी केलाय. , असा जोरदार पलटवार चंद्रशेखर बावनकुळे यांनी केलाय. तर देवेंद्र फडणवीसांनी भानगडीत पडू नका असा सल्ला दिलाय. दरम्यान बंद दाराआडच्या चर्चेवरून ठाकरे आणि फडणवीसांमध्ये जुंपलेल्या लढतीचा आढावा घेऊयात या रिपोर्टमधून.

उद्धव ठाकरेंनी बंद दाराआडच्या चर्चेचा आणखी एक किस्सा बाहेर काढल्यानंतर पुन्हा एकदा राजकीय वातावरण तापलंय. आदित्य ठाकरेंना मुख्यमंत्री बनवून फडणवीसांना दिल्लीत अर्थमंत्री व्हायचं असल्याचा गौप्यस्फोट ठाकरेंनी केलाय. तर उद्धव ठाकरे भ्रमिष्ठ झाल्याचा पलटवार देवेंद्र फडणवीसांनी केलाय. आदित्य ठाकरे यांच्या 'मुख्यमंत्रिपदा'वरून उद्धव ठाकरे आणि देवेंद्र फडणवीस यांच्यात आरोप-प्रत्यारोपांच्या फैरी झ़डतायत. बाळासाहेबांच्या खोलीला कुठली तरी खोली असं म्हटल्यामुळे ठाकरेंनी फडणवीसांना चांगलंच सुनावलंय.

उद्धव ठाकरेंनी देवेंद्र फडणवीसांवर खालच्या पातळीवल टीका केली. त्याला 'जशास तसं प्रत्युत्तर दिलं जाईल,' असा इशारा देवेंद्र फडणवीसांनी दिलाय. दररोज एकेक कपोलकल्पित कथानक तयार करून कुणाची दिशाभूल करता? स्वत:चीच ना? महाराष्ट्राचे समाजकारण आणि महाराष्ट्राचा विकास ही काही सलिम-जावेदची स्क्रिप्ट नाही. समाजकारणाचा आणि विकासाचा तुम्हाला गंध नसला तरी उगाच अशा स्क्रीप्ट तयार करण्याच्या भानगडीत पडू नका, असं म्हटलं आहे.

उद्धव ठाकरेंच्या टीकेनंतर भाजप नेते चंद्रशेखर बावनकुळे आणि राम कदम यांनी जोरदार पलटवार केलाय. अडीच अडीच वर्षाच्या मुख्यमंत्रीपदाचा वाद आता आदित्य ठाकरेंच्या मुख्यमंत्रीपदापर्यंत येऊन पोहचलाय. आता देवेंद्र फडणवीसांनी उद्धव ठाकरेंना नवी स्क्रिप्ट लिहण्याच्या भानगडीत पडू नका असा इशारा दिलाय. मात्र बंद दाराआडच्या चर्चेचे अनेक पैलू समोर येतच राहणार हे मात्र नक्की.