Maharashtra Loksabha Election: PM मोदींचे मिशन महाराष्ट्र, 2 दिवसांत घेणार 6 सभा; कधी आणि कुठे? घ्या जाणून

PM Modi Maharashtra Sabha: पीएम मोदी २९ एप्रिल आणि ३० एप्रिल अशा दोन दिवसांच्या महाराष्ट्र दौऱ्यावर येणार असून त्यांच्या ६ सभा होणार आहेत. मोदींच्या या सभेकडे सर्वांचे लक्ष लागले आहे. या सभेद्वारे पीएम मोदी विरोधकांवर निशाणा साधण्याची शक्यता आहे.
PM Modi Pune Sabha
PM Modi Pune SabhaSaam Tv

नवनीत पाटणकर, पुणे

लोकसभा निवडणुकीच्या (Loksabha Election 2024) पार्श्वभूमिवर पंतप्रधान नरेंद्र मोदी (PM Narendra Modi) दोन दिवसांच्या महाराष्ट्र दौऱ्यावर येणार आहेत. महाराष्ट्रातील महायुतीच्या उमेदवारांच्या प्रचारासाठी मोदींच्या सभा होणार आहेत. पीएम मोदी २९ एप्रिल आणि ३० एप्रिल अशा दोन दिवसांच्या महाराष्ट्र दौऱ्यावर येणार असून त्यांच्या ६ सभा होणार आहेत. मोदींच्या या सभेकडे सर्वांचे लक्ष लागले आहे. या सभेद्वारे पीएम मोदी विरोधकांवर निशाणा साधण्याची शक्यता आहे.

मिळालेल्या माहितीनुसार, पंतप्रधान नरेंद्र मोदींच्या महाराष्ट्र दौऱ्याची माहिती समोर आली आहे. मोदी दोन दिवसांच्या महाराष्ट्र दौऱ्यावर येणार आहेत. मोदींच्या राज्यात सहा सभा होणार आहेत. ⁠२९ एप्रिलला ३ सभा तर ३० एप्रिलला ३ सभा होणार आहे. २९ एप्रिलला सोलापूर, कराड आणि पुणे येथे त्यांची सभा होणार आहे. तर ३० एप्रिल रोजी मोदींची माळशिरस, लातूर आणि धाराशीव येथे सभा होणार आहे. महायुतीच्या उमेदवारांच्या प्रचारार्थ पीएम मोदींच्या या सभा होणार आहेत.

PM Modi Pune Sabha
PM Narendra Modi : दिल्ली उच्च न्यायालयात पंतप्रधान नरेंद्र मोदी यांच्या विरोधात याचिका; आज होणार सुनावणी

पीएम मोदींच्या ⁠२९ एप्रिलच्या सभा -

- सोलापूर शहरात सकाळी ११ वाजता होणार पहिली सभा.

- ⁠कराडमध्ये दुपारी १ वाजता होणार दुसरी सभा.

- पुण्यामध्ये संध्याकाळी ६ वाजता होणार तिसरी सभा.

- पुण्यातील सभेनंतर पीएम मोदी पुण्यात मुक्कामी असणार. राजभवन येथे मोदी राहणार आहेत.

पीएम मोदींच्या ३० एप्रिलच्या सभा -

- माळशिरस येथे सकाळी ११ वाजता होणार पहिली सभा.

- लातुरला दुपारी १ वाजता होणार दुसरी सभा.

- धाराशिव येथे सायंकाळी ४ वाजता होणार तिसरी आणि शेवटची सभा.

PM Modi Pune Sabha
Rahul Gandhi : PM मोदी घाबरलेत, भर सभेत स्टेजवर रडू शकतात - राहुल गांधी

दरम्यान, पंतप्रधान मोदी यांची पुण्यामध्ये महायुतीकडून निवडणुकीच्या रिंगणात उभे राहिलेले भाजपचे उमेदवार मुरलीधर मोहोळ यांच्या प्रचारार्थ रेसकोर्स येथील मैदानात जाहीर सभा होणार आहे. त्यानंतर पीएम मोदी यांचा पुणे शहरात रोड शो होणार आहे. त्याचसोबत पीएम मोदी यांची साताऱ्यातील महायुतीचे उमेदवार भाजपचे उदयनराजे भोसले यांच्या प्रचारार्थ कराड येथे जाहीर सभा होणार आहे. पीएम मोदीच्या या सभेची सध्या जोरदार तयारी सुरू आहे.

PM Modi Pune Sabha
Arvind Kejriwal : तिहार जेलमध्ये CM अरविंद केजरीवाल यांच्यासाठी मेडिकल बोर्डाची स्थापना; AIIMS चे ५ डॉक्टर करणार तपासणी

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com