Maharashtra Lok Sabha Election Phase 1 : चंद्रपूर लोकसभेसाठी उद्या मतदान, पथके साहित्यासह केंद्राकडे रवाना

Chandrapur Lok Sabha Election 2024 :

चंद्रपूर लोकसभा मतदारसंघात उद्या (ता. 19 एप्रिल) मतदान हाेणार आहे. त्यासाठी विविध विधानसभा मतदारसंघ स्थळावरून मतदान पथके नेमून दिलेल्या मतदान केंद्रांवर रवाना होण्यास सुरुवात झाली आहे. (Maharashtra Lok Sabha Election News in Marathi)

चंद्रपूर लोकसभा मतदारसंघातील सर्वच मतदान पथके साहित्यासह आपापल्या बसमध्ये बसून रवाना होण्यास प्रारंभ झालाय. चंद्रपूर लोकसभा क्षेत्रात एकूण 2118 मतदान केंद्रांवर 9322 मतदान कर्मचारी तैनात करण्यात आले आहेत.

या सर्व मतदान केंद्रांवर आरोग्य रक्षण व तापत्या उन्हापासून संरक्षणासाठी उपाययोजना उभारण्यात आल्या आहेत. यासह सुरक्षा बंदोबस्त देखील तैनात करण्यात आलाय. चंद्रपूर लोकसभा मतदारसंघात एकूण 196 पडदा मशीन विशेष मतदान केंद्रांची निर्मिती करण्यात आली आहे.

6 दिव्यांग व्यवस्थापित, 6 महिला व्यवस्थापित, 6 युवा मतदान केंद्र, तर 6 आदर्श मतदान केंद्रांची निर्मिती करण्यात आली आहे. सुमारे 11,242 ओआरएस पाकिटे देखील मतदान कर्मचाऱ्यांना वितरित करण्यात आली आहेत अशी माहिती संजय वामन पवार (उपविभागीय अधिकारी) यांनी साम टीव्हीशी बाेलताना दिली.

Edited By : Siddharth Latkar