Supriya Sule : राम कृष्ण हरी वाजवा तुतारी; अजित पवारांच्या विधानावर सुप्रिया सुळेंचं एका वाक्यात उत्तर

काश्मीर ते कन्याकुमारीपर्यंत निवडणुक लढणाऱ्या प्रत्येक व्यक्तीला शुभेच्छा आहेत. राम कृष्ण हरी वाजवा तुतारी, अशा शब्दांत खासदार सुप्रिया सुळेंनी उपमुख्यमंत्री अजित पवारांच्या वक्तव्यावर प्रत्युत्तर दिलं आहे.

राज्यात लोकसभा निवडणुकीची रणधुमाळी सुरू आहे. बारामती लोकसभा मतदारसंघातील महाविकास आघाडीच्या उमेदवार सुप्रिया सुळे आज आपला उमेदवारी अर्ज दाखल करणार आहेत. यावेळी माध्यमांशी संवाद साधताना सुप्रिया सुळेंनी अजित पवारांवर निशाणा साधला आहे.

आज बारामती लोकसभा मतदारसंघातून महायुतीच्या उमेदवार सुनेत्रा पवार देखील उमेदवारी अर्ज दखल करणार असल्याची माहिती आहे. त्यावर काश्मीर ते कन्याकुमारीपर्यंत निवडणुक लढणाऱ्या प्रत्येक व्यक्तीला शुभेच्छा, अशी प्रतिक्रिया सुप्रिया सुळेंनी दिलीये.

काय म्हणाले होते अजित पावार?

तुम्हाला पाहिजे तेवढा निधी आम्ही मिळवून देऊ. मात्र त्यासाठी आमच्यासाठीचं मशिन मधलं बटन कचाकच दाबा, असं अजित पावारांनी म्हटलं होतं. एका प्रचारसभेवेळी त्यांनी असं वक्तव्य केलं. अजित पवारांच्या या वक्तव्याने राजकीय वर्तुळात एकच खळबळ उडालीये. त्यावर आता सुप्रिया सुळेंनी देखील राम कृष्ण हरी वाजवा तुतारी, असं एका वाक्यात उत्तर दिलंय.