देशात 19 एप्रिलपासून सुरू झालेल्या लोकसभा निवडणुकीची आज सांगता झाली. 1 जून रोजी म्हणजेच आज एकूण 8 राज्यांतील 57 जागांवर मतदान झाले. 44 दिवसांच्या निवडणूक प्रक्रियेनंतर 4 जून रोजी मतमोजणी होऊन निकाल जाहीर होतील. मात्र त्याआधी देशाचा मूड काय आहे? हे एक्झिट पोलमधून समोर आलं आहे.
रिपब्लिक इंडियाच्या एक्झिट पोलमध्ये एनडीएला बहुमत मिळेल, असा अंदाज वर्तवण्यात आला आहे. तर इंडिया टीव्हीच्या एक्झिट पोलमध्ये एनडीएला 371 जागा मिळेल, अशी शक्यता वर्तवली जात आहे.
स्कूल ऑफ पॉलिटिक्सच्या सर्वेक्षणानुसार एनडीएला 49.30 टक्के मते मिळण्याची शक्यता आहे. तर इंडिया आघाडीला 38.40 टक्के मते मिळतील आणि इतरांना 12.30 टक्के मते मिळतील, अशी शक्यता आहे.
इंडिया टुडे-ॲक्सिस माय इंडियानुसार केरळमध्ये एनडीएला 2-3 जागा मिळणार, अशी शक्यता वर्तवली जात आहे. तर काँग्रेसला 13-14 जागा मिळतील, असं सांगण्यात आलं आहे. या आकडेवारीनुसार केरळमध्ये भाजपचे खाते उघडले जाणार, अशी शक्यता वर्तवली जात आहे. याशिवाय युडीएफ+ ला 4 जागा आणि यल्दीयफला 0-1 जागा मिळणार, असा अंदाज व्यक्त करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.