Sixth Phase Voting : लोकसभा निवडणुकीच्या सहाव्या टप्प्याच्या प्रचाराला लागला ब्रेक, कन्हैया कुमारसह या दिग्गजांची प्रतिष्ठा पणाला

Lok Sabha Election 2024: लोकसभा निवडणुकीच्या सहाव्या टप्प्यात, दिल्लीतील सर्व सात जागांसह सहा राज्ये आणि दोन केंद्रशासित प्रदेशांमधील 58 जागांसाठीचा प्रचारला ब्रेक लागला आहे.
लोकसभा निवडणुकीच्या सहाव्या टप्प्याच्या प्रचाराला लागला ब्रेक, कन्हैया कुमारसह या दिग्गजांची प्रतिष्ठा पणाला
Sixth Phase VotingSaam Tv

लोकसभा निवडणुकीच्या सहाव्या टप्प्यात, दिल्लीतील सर्व सात जागांसह सहा राज्ये आणि दोन केंद्रशासित प्रदेशांमधील 58 जागांसाठीचा प्रचारला ब्रेक लागला आहे. दिल्लीशिवाय उत्तर प्रदेशातील 14, हरियाणातील 10, बिहार आणि पश्चिम बंगालमधील प्रत्येकी आठ, ओडिशातील सहा, झारखंडमधील चार आणि जम्मू-काश्मीरमधील एका जागेवर मतदान होणार आहे.

आतापर्यंत 25 राज्ये आणि केंद्रशासित प्रदेश आणि 543 पैकी 428 जागांवर मतदान पूर्ण झाले आहे. अंतिम टप्प्यात 1 जून रोजी मतदान होणार असून 4 जून रोजी मतमोजणी होणार आहे. सहाव्या टप्प्यातील प्रमुख उमेदवार संबलपूर (ओडिशा) येथून धर्मेंद्र प्रधान (भाजप), ईशान्य दिल्लीतून मनोज तिवारी (भाजप) आणि कन्हैया कुमार (काँग्रेस), सुलतानपूर (उत्तर प्रदेश), अनंतनाग-राजौरी येथून मनेका गांधी (भाजप) आहेत.

लोकसभा निवडणुकीच्या सहाव्या टप्प्याच्या प्रचाराला लागला ब्रेक, कन्हैया कुमारसह या दिग्गजांची प्रतिष्ठा पणाला
Sharad Pawar: बारामतीच्या विजयावर शरद पवार ठाम? विधानसभेतही रंगणार पवार विरूद्ध पवार सामना?

प्रचाराच्या शेवटच्या दिवशी पंतप्रधान नरेंद्र मोदी यांनी पंजाब आणि हरियाणामध्ये प्रत्येकी एक सभा घेतली. यावेळी इंडिया आघाडीवर टीका करत पंतप्रधान मोदी म्हणाले की, गाय दूध देण्यापूर्वीच तूपवरून इंडिया आघाडीच्या पक्षांमध्ये भांडणे सुरू झाली आहेत. जोपर्यंत ते जिवंत आहेत, तोपर्यंत दलित आणि आदिवासींचे आरक्षण कोणीही हिरावून घेऊ शकत नाही, असा पुनरुच्चार मोदींनी केला.

दिल्लीत भारतीय जनता पक्षाच्या प्रचारात मोदींनी दोन सभांना संबोधित केले. मोदींशिवाय केंद्रीय मंत्री अमित शहा, राजनाथ सिंह, नितीन गडकरी, स्मृती इराणी आणि पियुष गोयल यांनीही पक्षाच्या उमेदवारांच्या प्रचाराची जबाबदारी घेतली. केंद्रीय मंत्र्यांव्यतिरिक्त, राज्याचे उपमुख्यमंत्री देवेंद्र फडणवीस, योगी आदित्यनाथ (उत्तर प्रदेश), पुष्कर सिंह धामी (उत्तराखंड) आणि प्रमोद सावंत (गोवा) यांच्यासह भाजप शासित राज्यांच्या मुख्यमंत्र्यांनीही प्रचारात भाग घेतला.

लोकसभा निवडणुकीच्या सहाव्या टप्प्याच्या प्रचाराला लागला ब्रेक, कन्हैया कुमारसह या दिग्गजांची प्रतिष्ठा पणाला
Maharashtra Lok Sabha: संकटमोचकालाच टेंशन? भाजपच्या पॉकेट्समध्येच कमी मतदान? नाशिक, दिंडोरीत बूथनिहाय रिपोर्ट मागवला

काँग्रेसच्या निवडणूक प्रचाराचे नेतृत्व मल्लिकार्जुन खरगे, राहुल गांधी आणि सचिन पायलट यांनी केले. दिल्लीचे मुख्यमंत्री आणि आम आदमी पक्षाचे अध्यक्ष अरविंद केजरीवाल यांनी काँग्रेस उमेदवारांच्या समर्थनार्थ रोड शो केला. तर पायलट यांनी आपचे दक्षिण दिल्लीचे उमेदवार साही राम पहेलवान यांचा प्रचार केला. झारखंडमधील लोकसभेच्या चार जागांसाठीचा निवडणूक प्रचारही गुरुवारी सायंकाळी 6 वाजता संपला.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com