Winter Care Tips : हिवाळ्यात गुडघे आणि सांधे दुखीचा त्रास वाढलाय? असू शकते कॅल्शियमची कमतरता, वेळीच घ्या काळजी

Calcium Deficiency :

हिवाळा म्हटलं की, अनेक दुखणी वर येतात. त्यातील सगळ्यांना सामान्य व वयोमानानुसार उद्भवणार म्हणजे गुडघे आणि सांधे दुखी. पण हे दुखणे अगदी कमी वयात सुरु झाले तर...

शरीर निरोगी राहावे यासाठी त्यांची योग्य प्रमाणात काळजी घेतो. शरीर निरोगी राहाण्यासाठी जीवनसत्त्वे (Vitamins), खनिजे, प्रथिने यांची आवश्यकता असते. कोणत्याही एका पोषक तत्वाची कमतरता झाली की, आरोग्यावर (Health) त्याचा वाईट परिणाम होतो.

या पोषकतत्वांमधील एक घटक कॅल्शियम. कॅल्शियममुळे आपली हाडे आणि सांधे मजबूत आणि निरोगी ठेवण्याचे काम करते. याशिवाय दातांसोबत रक्तपेशी मजबूत होण्यास मदत होते. शरीरात कॅल्शियमची कमतरता झाल्यास हाडे कमकुवत होतात. कॅल्शियमच्या कमतरतेची कारणे कोणती? होणारे आजार (Disease) कोणते? आहारात कोणते पदार्ख खायला हवे जाणून घेऊया.

कॅल्शियमच्या कमतरतेमुळे कोणते आजार होतात?

1. मुडदूस

कॅल्शियमच्या कमतरतेमुळे तुम्हाला मुडदूस होण्याची शक्यता अधिक असते. या आजारात तुमची हाडे खूप मऊ आणि लवचिक होतात. त्यामुळे हात आणि पायाची दुखणे वाढते. जर व्हिटॅमिन डी किंवा कॅल्शियमच्या कमतरतेमुळे मुडदूस झाला असेल पुरेसा आहार घेतला तर आजार बरा होऊ शकतो.

2. ऑस्टियोपोरोसिस

ऑस्टियोपोरोसिस म्हणजे हाडे कमकुवत होणे. जर तुम्ही तुमच्या आहारात कॅल्शियम कमी प्रमाणात घेत असाल तर तुमची हाडे झपाट्याने कमकुवत होतील. यामध्ये सुरुवातीला पाठदुखी, कंबरदुखी, मानदुखी अशी समस्या जाणवू लागते. ज्याकडे दुर्लक्ष केल्यास परिणाम गंभीर होतात.

3. स्नायूंना क्रॅम्प्स

जर तुम्हाला अचानक चालताना किंवा उठा-बसता स्नायूंमध्ये क्रॅम्पस येत असतील तर शरीरात कॅल्शियमची कमतरता झाली आहे. हे याचे पहिले लक्षण आहे. कॅल्शियमच्या कमतरतेमुळे स्नायू मऊ होतात. ज्यामुळे क्रॅम्प्सचा धोका अधिक वाढतो.

या पदार्थांचे आहारात नियमित सेवन करा

शरीरात कॅल्शियमच्या कमतरतेमुळे तुम्ही अनेक आजारांना बळी पडू शकता. यासाठी आहारात जर्दाळू, किवी, दही, संत्री, दूध, चीज यांसारख्या कॅल्शियमयुक्त पदार्थांचा आहारात समावेश करा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा