Heart attack sleep: हार्ट अटॅक झोपेत असतानाच का येतो? 'या' चुका टाळून जीव वाचवा

हार्ट अटॅक येण्याचं प्रमाण आता वाढलं आहे. आजकाल तरूणांमध्येही हार्ट अटॅक येण्याच्या प्रकरणांमध्ये वाढ होताना दिसतेय. रात्री झोपेदरम्यान हार्ट अटॅक आल्याने अनेकांचा मृत्यू झाल्याचंही तुम्ही ऐकलं असेल. व्यक्ती झोपलाय असं आपल्याला वाटतं, मात्र त्याला हार्ट अटॅक आलेला असतो. झोपेत येणाऱ्या हार्ट अटॅकपासून कसं वाचायचं हे आज आपण जाणून घेऊया.

झोपेत हृदयावर काय होतो परिणाम?

झोपेच्या वेळी शरीर आरामशीर स्थितीत असलं तरी ते खूप काम करतं. झोपेच्या वेळी रक्तदाब आणि हृदय गती सहसा मंदावते. मात्र काही परिस्थितीत हृदय अधिक किंवा अनियमितपणे काम करू शकते. ज्यामुळे धमनी ब्लॉकेज आणि झोपेच्या वेळी उच्च रक्तदाब यामुळे हृदयविकाराचा धोका वाढू शकतो.

काही लोकांना स्लीप एप्नियासारख्या तक्रारी देखील असतात. यामध्ये झोपेच्या वेळी श्वास घेण्यास त्रास होतो. यामुळे हृदयावर अतिरिक्त दबाव येतो. काही प्रकरणांमध्ये, यामुळे हृदयविकाराचा झटका देखील येऊ शकतो.

दीर्घ श्वासाने धोका होतो कमी

झोपेच्या वेळी दीर्घ श्वास घेतल्यास हृदयविकाराचा धोका कमी होऊ शकतो. तज्ज्ञांच्या म्हणण्याप्रमाणे मते, झोपण्यापूर्वी खोल आणि हळू श्वास घेतल्याने मन आणि शरीर शांत राहण्यास मदत होते. इतकंच नाही तर ताणही कमी होतो. यामुळे शरीरात रक्तदाब कमी होण्यासोबतच हृदयात ऑक्सिजनचा प्रवाह सुधारतो.

कशाप्रकारे करावी ब्रीदिंग एक्सरसाइज?

झोपण्यापूर्वी श्वास घेण्याच्या एक्सरसाइजासाठी डायाफ्रामिक टे​क्निक 4-7-8 चा वापर करणं फायदेशीर ठरू शकतं. यामध्ये पोटातून हळू आणि खोल श्वास घेतला जातो. यामध्ये चार सेकंद श्वास घेणं, सात सेकंद धरून ठेवणं आणि आठ सेकंद श्वास सोडणं या घटनांचा समावेश आहे.

डाएटवर कसं लक्ष द्यालं?

फीट आणि फाईन राहायचं असेल तर योग्य आहारा घेणं खूप महत्त्वाचं आहे. यामध्ये तुम्हाला हृदयाच्या समस्या टाळता येऊ शकतात. तुमच्या दररोजच्या आहारात चरबी, कोलेस्ट्रॉल आणि मीठाचं प्रमाण कमी केल्याने धमन्या स्वच्छ राहण्यास आणि रक्तदाब सामान्य राहण्यास मदत होते. याशिवाय दररोज फळे आणि भाज्या यांचाही आहार म्हणून समाविष्ट करा.

हृदयाच्या समस्यांपासून वाचण्यासाठी ही कामं करा

• व्यायाम- दररोज ३० मिनिटे व्यायाम करा. यासाठी तुम्ही सायकलिंग किंवा पायी चालणं करू शकता.

• मधुमेह- उच्च रक्तदाब आणि मधुमेहामुळे हृदयविकाराचा धोका वाढतो. म्हणून मधुमेहावर लक्ष ठेवा.

• वजन नियंत्रण- शरीराचे वजन नियंत्रणात ठेवा. जास्त वजन असल्याने हृदयावर दबाव येतो.

• झोप- रात्री शरीराला पुरेशी वेळ झोप घ्या. यामुळे ताणतणाव कमी होण्यास देखील मदत होते.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत