Indian Railways: रेल्वे स्थानकांच्या नावांपुढे जंक्शन, सेंट्रल आणि टर्मिनल का लिहिले जाते? जाणून घ्या...

Indian Railways Interesting Facts: भारतीय रेल्वे नेटवर्कची गणना जगातील चौथ्या क्रमांकाच्या रेल्वे नेटवर्कमध्ये केली जाते. भारतात रेल्वे हे सार्वजनिक वाहतुकीचे सर्वात महत्त्वाचे साधन आहे. भारतीय रेल्वेत दररोज कोट्यवधी प्रवासी प्रवास करतात. देशाच्या अर्थव्यवस्थेत भारतीय रेल्वेचे मोठे योगदान आहे. रेल्वेमध्ये प्रवास करताना प्रवाशांना कोणत्याही प्रकारचा त्रास होऊ नये. हेच लक्षात घेऊन यात अनेक नवीन फिचर्सचा समावेश करण्यात आला आहे.

तुम्हीही रेल्वेने प्रवास करत असाल तर. अशा परिस्थितीत रेल्वेमध्ये प्रवास करताना तुम्ही अनेक स्टेशनांच्या नावांपुढे जंक्शन, सेंट्रल आणि टर्मिनल लिहिलेले पाहिले असेल. अशातच रेल्वे स्थानकांच्या नावांपुढे जंक्शन, सेंट्रल आणि टर्मिनल का लिहिले जातात? याचा तुम्ही कधी विचार केला आहे का? जर नसेल तर आज आम्ही तुम्हाला याबद्दल सांगणार आहोत.

जंक्शन

जर एका स्टेशनमधून किमान तीन रेल्वे लाईन जात असतील. अशातच त्या स्थानकाला जंक्शन म्हणतात. देशात मथुरा हे सर्वात जास्त रेल्वे लाईन जाणारे जंक्शन आहे. येथे एकूण सात रेल्वे लाईन आहेत. (Latest Marathi News)

सेंट्रल

सेंट्रल स्थानक हे कोणत्याही शहरातील सर्वात व्यस्त रेल्वे स्थानक असते. सेंट्रल रेल्वे स्थानके आकाराने बरीच मोठी असतात. जर एखाद्या राज्यात अनेक स्थानके असतील. अशा परिस्थितीत तेथे सेंट्रल स्थानक असणे आवश्यक नाही. तसेचजर आपण भारतातील सेंट्रल स्थानकांबद्दल बोललो, तर देशात एकूण पाच सेंट्रल स्थानके आहेत. यामध्ये मुंबई सेंट्रल, त्रिवेंद्रम सेंट्रल, कानपूर सेंट्रल, मंगलोर सेंट्रल आणि चेन्नई सेंट्रल यांचा समावेश आहे.

टर्मिनल

रेल्वे ट्रॅक जिथे संपतो त्या स्टेशनला टर्मिनल स्टेशन्स म्हणतात. या स्थानकांच्या पुढे गाडी जात नाही. छत्रपती शिवाजी टर्मिनल आणि लोकमान्य टिळक स्टेशनची गणना देशातील प्रमुख टर्मिनल स्टेशनमध्ये केली जाते.