Breast Cancer चा धोका टाळायचाय? मग आहारात करा या TOP 5 पदार्थांचा समावेश

आजच्या धावपळीच्या जीवनशैलीमुळे आपण आपल्या आरोग्याकडे लक्ष देणं अनेकदा विसरतो. विशेषतः महिला, ज्या घर आणि बाहेरील दोन्ही जबाबदाऱ्या पार पाडत असतात. त्या स्वतःसाठी वेळ काढू शकत नाहीत. मात्र हाच निष्काळजीपणा कधी-कधी गंभीर आजाराचं कारण ठरू शकतो. त्यापैकी एक म्हणजे स्तनाचा कर्करोग (Breast Cancer). गेल्या काही वर्षांत भारतात या आजाराचे रुग्ण झपाट्याने वाढले आहेत. मात्र आनंदाची बाब म्हणजे योग्य आहार आणि जीवनशैली फॉलो करुन त्याचा धोका मोठ्या प्रमाणात कमी करता येऊ शकतो.

तज्ज्ञांच्या मते, आपल्या दैनंदिन आहारात काही विशिष्ट पदार्थांचा समावेश केल्यास ब्रस्ट कॅन्सरपासून तुम्ही वाचू शकता. पुढे त्याबद्दल सविस्तर माहिती देण्यात आली आहे.

डाळींबाचे फायदे

डाळींब हे फळ फक्त चविष्ट फळ नाही तर आरोग्यासाठी खजिनाच आहे. यात असणारे एलागिटॅनिन्स नावाचे अँटीऑक्सिडंट्स शरीरात कॅन्सरच्या पेशी वाढू देत नाहीत. शिवाय, हे शरीरातील एस्ट्रोजेन हार्मोनचं संतुलन राखतात, जे ब्रस्ट कॅन्सरच्या प्रमुख कारणांपैकी एक आहे.

भाज्यांचे सेवन

भाज्यांमध्ये फक्त पालेभाज्याच नाही,तर ब्रोकली, फ्लॉवर, कोबी या भाज्यांचा समावेश केला जातो. या भाज्यांमध्ये सल्फोराफेन नावाचं संयुग असतं, जे शरीराची सूज कमी करतं आणि कॅन्सरशी लढण्यास मदत करतं. या भाज्या दररोज आहारात घेतल्याने शरीरातील टॉक्सिन्सही बाहेर पडतात.

सोया आणि कडधान्ये

सोया आणि कडधान्ये म्हणजे , टोफू, मूग, मसूर हे प्रथिनांचे उत्कृष्ट स्रोतं आहेत. यात असणारे आइसोफ्लेवोन्स हे घटक शरीरातील एस्ट्रोजेनच्या प्रभावाला कमी करतात. संशोधनानुसार, जे महिला नियमितपणे सोया उत्पादनांचा आहार घेतात, त्यांना ब्रेस्ट कॅन्सरचा धोका तुलनेने कमी असतो.

आवळा आणि पेरू

आवळा आणि पेरू हे दोन्ही व्हिटॅमिन सीने परिपूर्ण आहेत. व्हिटॅमिन सी हा एक शक्तिशाली अँटीऑक्सिडंट असून तो शरीरातील फ्री रॅडिकल्समुळे होणाऱ्या हानीपासून संरक्षण करतो. यामुळे रोगप्रतिकारक शक्ती वाढते आणि ब्रेस्ट कॅन्सरचा धोका कमी होतो. पेरूमध्ये लायकोपिन हे संयुग असतं, जे कॅन्सरच्या पेशींशी लढण्यास मदत करतं.

ऑलिव्ह ऑईल

ऑलिव्ह ऑईल हे स्वयंपाकासाठी आरोग्यदायी पर्याय आहे. यात असणारा ओलेओकेंथॉल हा नैसर्गिक घटक ब्रेस्ट कॅन्सरच्या पेशींचा नाश करण्याचे काम करतं. तसेच हे शरीरातील सूज कमी करतं, ज्यामुळे अनेक आजार टाळता येतात.