Musical Pillars Temple : भारतातलं अद्भुत मंदिर, दगडांमधून निघतात संगिताचे स्वर...; वाचा 'या' ठिकाणी कसं जायचं

जगभरात अशा अनेक गोष्टी आहेत ज्या पाहून आपल्याला आश्चर्य वाटतं, तसेच आपण त्याकडे आकर्षित होतो. विविध मंदिरातींल कलाकृती त्यांचा इतिहास प्रत्येक भारतीय नागरिकाला विलक्षणीय आणि चकीत करणारा वाटतो. अशात आता भारतातलं एक अनोखं मंदिर आम्ही तुमच्यासाठी शोधलं आहे. या मंदिरातील आश्चर्यकारक बाब म्हणजे मंदिरातील दगडांतून स्वर ऐकू येतात.

कर्नाटकच्या हम्पी येथील तंगभद्रा नदी किनारी काही हजार एकरमध्ये विठ्ठलाचं मंदिरं आणि काही स्मारकं आहेत. येथील मंदिर परिसरात काही सुंदर दगड आहेत. त्या दगडांच्या पिलर्समधून थेट संगिताचे मधूर ध्वनी आणि स्वर बाहेर पडतात.

म्युजीकल पिलर्स जगभरात प्रसिद्ध

हम्पी येथील विठ्ठल मंदिरात हे दगडांचे पिलर्स आहेत. या पिलर्समध्ये लोकल ग्रेनाइटचा वापर देखील करण्यात आला आहे. एकूण ५६ पिलर्स या मंदिरात आहेत. त्यातून विविध प्रकारचं संगित येकू येतं. यातील काही दगडांच्या सुंदर आणि सुबक मूर्त्या सुद्धा बनवण्यात आल्यात. त्यातूनही सुमधूर ध्वनी ऐकू येतो.

प्रसिद्ध मंदिरातील या दगडात ऑर्थोक्लेज सारखी स्फटिक रचना असलेली खनिजे आहेत. या आवाजाचं संगिताचं रहस्य म्हणजे येथील व्यास आणि लांबीचा आकार यामुळे दगडांवर हात फिरवल्यास किंवा वजन पडल्यास त्यातून संगित येकू येतं. येथील खांब 15 व्या शतकात बांधले गेले होते.

येथील ग्रामस्त सांगतात की, पुर्वी विठ्ठलाला नैवेद्य अर्पण करताना या खांबांच्या संगीतावर नृत्य देखील केले जायचे.

मंदिराला भेट कशी द्याल?

तुम्ही मुंबईत किंवा महाराष्ट्रातील रहिवासी असाल तर येथे भेट देण्यासाठी कर्नाटकमध्ये पोहचा तेथून बसच्या सहाय्याने तुम्ही हम्पी गाठू शकता. तेथून हे मंदिर १०० किलोमिटर अंतरावर आहे. त्यामुळे या मंदिराला भेट देण्यासाठी हम्पी येथून तुम्ही बाय रोड जाऊ शकता.