Bad Breath : सतत येणाऱ्या तोंडाच्या दुर्गंधीमुळे वैतागले आहात ? या पदार्थांचे करा सेवन, दुर्गंधी होईल नाहीशी !

Bad Breath : झोपेतून उठल्यानंतर किंवा कोणत्याही पदार्थांचे सेवन केल्यानंतर आपल्या तोंडाचा सतत वास येतो. यामुळे आपण अनेक आजारांना बळी पडू शकतो.

तोंडात साचलेल्या जंतांमुळे आपल्या दात दुखी किंवा तोंडाच्या इतर आजारांना सामोरे जावे लागू शकते. ही दुर्गंधी आपल्याला सामान्य वाटत असली तरी, ती स्वच्छतेच्या अभावामुळे किंवा तोंडाच्या इतर दीर्घ आजारांच्या लक्षणांमुळे असू शकते.

लसूण आणि कांदे यांसारख्या अन्नामध्ये दुर्गंधीयुक्त तेले रक्ताद्वारे वाहून जातात. ते तेल फुफ्फुसात पोहोचतात. आहारात काही पदार्थ असे असतात ज्याचा आपल्याला या दुर्गंधीशी लढण्यासाठी मदत करतात. त्यासाठी या पदार्थांचा आहारात समावेश करा.

१. ग्रीन टी -

ग्रीन टीमध्ये कॅटेचिन नावाचा अँटिऑक्सिडेंट असतो. जो श्वासोच्छवासास कारणीभूत असलेल्या सल्फर संयुगे कमी करून तोंडातील जीवाणूंना रोखण्यास मदत करु शकतो.

२. लिंबूवर्गीय फळे -

या फळांमध्ये जीवनसत्त्व क भरपूर प्रमाणात असते जे केवळ बॅक्टेरियांना नियंत्रणात ठेवण्यासाठीच नाही तर हिरड्यांचे आजार आणि हिरड्यांना आलेली सूज यांच्याशी लढण्यास मदत करते.

३. दही -

दह्यामध्ये प्रोबायोटिक्स असते. ते दुर्गंधीयुक्त जीवाणूंवर मात करू शकतात. त्यात जीवनसत्तव (Vitamins) ड देखील भरपूर आहे, ज्यामुळे शरीरातील जंतूंचा विकास कमी होतो.

४. तुळशी -

तुळशीतील पॉलीफेनॉल नावाचे नैसर्गिक रेणू श्वासाच्या दुर्गंधीवर उपचार करण्यासाठी प्रभावी आहेत, असे संशोधनातून समोर आले आहे. तुळस भारतीय घरांमध्ये सहज सापडते.

५. आले -

आल्यामध्ये आढळणारे घटक हे लाळेचे एंझाइम सक्रिय करते जे तोंडातील सल्फर संयुगे विघटन करण्यास मदत करते. माउथवॉशसाठी आपण आले ठेचून कोमट पाण्यात (Water) आणि लिंबूसोबत घेऊ शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.