International Day for the Elimination of Violence Against Women 2022: 'महिलांवरील हिंसाचार निर्मूलनासाठी आंतरराष्ट्रीय दिवस' दरवर्षी २५ नोव्हेंबर रोजी जगभरातील महिलांवरील हिंसाचार रोखण्यासाठी आणि महिलांना जागरूक करण्यासाठी साजरा केला जातो. नॅशनल क्राईम रेकॉर्ड ब्युरो (NCRB) नुसार, २०२० मध्ये लॉकडाऊन (Lockdown) दरम्यान महिला आणि मुलांवरील पारंपारिक गुन्ह्यांमध्ये घट झाली होती, परंतु देशात गुन्हेगारी प्रकरणांमध्ये २८ टक्क्यांनी नक्कीच वाढ झाली आहे.(Women)
NCRB नुसार, २०२० मध्ये, देशात दररोज लैंगिक शोषणाची सुमारे ७७ प्रकरणे नोंदवली गेली आणि एकूण २८,०४६ प्रकरणे नोंदवली गेली. त्याच वेळी जगभरात महिलांवरील हिंसाचाराच्या ३,७१,५०३ प्रकरणांची नोंद झाली आहे जी २०१९ मध्ये ४,०५,३२६ होती. लोकांची विचारसरणी बदलून महिलांना त्यांचे हक्क मिळवून देण्याच्या उद्देशाने दरवर्षी हा दिवस साजरा केला जातो.
या दिवसाचा इतिहास काय आहे?
२५ नोव्हेंबर १९६० रोजी, डोमिनिकन शासक राफेल तुजिलोच्या हुकूमशाहीला पॅट्रिया मर्सिडीज , मारिया अर्जेंटिना आणि अँटोनियो मारिया तेरेसा यांनी विरोध केला. त्यानंतर त्या राज्यकर्त्याच्या आदेशानुसार तिन्ही बहिणींची निर्घृण हत्या करण्यात आली. तेव्हापासून, १९८१ मध्ये, लॅटिन अमेरिका आणि कॅरिबियन फेमिनिस्ट एन्सेन्ट्रोसच्या कार्यकर्त्यांनी २५ नोव्हेंबरला महिलांवरील हिंसाचाराचा सामना करण्यासाठी आणि तीन बहिणींची पुण्यतिथी साजरी करण्याचे आदेश दिले. १७ डिसेंबर १९९९ रोजी संयुक्त राष्ट्र संघाने हा दिवस अधिकृत ठराव म्हणून स्वीकारला.
महिलांवरील हिंसाचार निर्मूलनासाठी आंतरराष्ट्रीय दिनाचा उद्देश हा दिवस साजरा करण्यामागचा मुख्य उद्देश महिलांवरील हिंसाचार रोखणे आणि महिलांच्या मूलभूत मानवी हक्कांबद्दल आणि लैंगिक समानतेबद्दल जागरूकता निर्माण करणे हा आहे.
यावेळची थीम काय आहे?
महिला विरुद्ध हिंसाचार निर्मूलन २०२२ च्या आंतरराष्ट्रीय दिनाची यावर्षीची थीम 'एकजूट व्हा! म्हणजेच महिला आणि मुलींवरील हिंसाचार संपवण्यासाठी एकता आणि सक्रियता. युनायटेड नेशन्सच्या अधिकृत वेबसाइटनुसार, ही मोहीम २५ नोव्हेंबरपासून १६ दिवस चालणार आहे. १० डिसेंबर रोजी आंतरराष्ट्रीय मानवाधिकार दिनाच्या दिवशी त्याची समाप्ती होईल.
Edited By : Shraddha Thik
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.