Mangalwar Upay: मंगळवारच्या दिवशी हनुमानजींचे हे उपाय तुम्हाला करतील मालामाल, आर्थिक तंगी होईल दूर

हिंदू धर्मात मंगळवार हा दिवस हनुमानजींच्या पूजेसाठी अतिशय पवित्र मानला जातो. या दिवशी श्रद्धेने पूजा-अर्चना केल्यास भक्तांच्या सर्व मनोकामना पूर्ण होण्यास मदत होते. याचसोबत कुंडलीतील मंगळ दोष दूर होतो.

मंगळवारी उपवास आणि उपासना केल्याने हनुमानजींची कृपा तर मिळण्यास मदत होते. मात्र काही खास उपाय केल्यास कर्ज, संकट आणि आजारपणासारख्या त्रासांपासूनही मुक्ती मिळण्यास मदत होते. चला तर जाणून घेऊया मंगळवारचे काही अचूक उपाय.

मंगळ ग्रह बलवान करण्याचा उपाय

हनुमानजींना मंगळ ग्रहाचा अधिपती मानले जाते. जर कुणाच्या कुंडलीत मंगळ दोष असेल तर मंगळवारी हनुमानजींची पूजा आणि उपासना केली पाहिजे. असं केल्याने मंगळ ग्रहाचे दोष नाहीसे होतात आणि मंगळ ग्रह शुभ परिणाम देऊ लागतो.

आर्थिक संकट दूर करण्याचा उपाय

ज्यांना आर्थिक अडचणींचा सामना करावा लागतोय. त्यांनी मंगळवारी मुक्या प्राण्याला गूळ, हरभरा, केळी, शेंगदाणे यांसारख्या वस्तू खाऊ घालाव्यात. हे उपाय सलग ११ मंगळवार केले तर धनलाभाचे योग निर्माण होतात.

आर्थिक तंगी दूर करण्यासाठी

आर्थिक तंगी दूर करण्यासाठी मंगळवारी हनुमान मंदिरात जावं. तिथे तेलाचा दिवा लावावा आणि हनुमानजींच्या मूर्तीसमोर बसून हनुमान चालीसा पठण करावं. यामुळे पैशांची तंगी दूर होते.

कर्जमुक्तीचा उपाय

जर कुणी कर्जाच्या ओझ्याने त्रस्त असेल तर मंगळवारी हनुमानजींची मनापासून पूजा करावी आणि उपवास करावा. त्यादिवशी ‘ॐ हनुमते नमः’ या मंत्राचा १०८ वेळा जप करावा. या उपायामुळे कर्जाचा त्रास दूर होतो आणि धन आगमनाचे मार्ग खुलतात.

कर्जमुक्तीसाठी आणखी एक उपाय

कर्जमुक्तीसाठी आणखी एक उपाय असा आहे की, मंगळवारी हनुमानजींना बूंदीचा भोग लावावा आणि प्रसाद घरी न नेता मंदिरातच वाटावा. नंतर हनुमानजींना प्रार्थना करावी की कर्जमुक्त होण्यासाठी योग्य मार्ग दाखवा. हा उपाय सलग ५-६ आठवडे केल्यास कर्ज कमी होण्यास मदत होते.

धनवाढीसाठी उपाय

जर संपत्ती आणि पैशांमध्ये वाढ हवी असेल तर मंगळवारी एक नारळ घ्यावा आणि तो डोक्यावरून सात वेळा फिरवावा. त्यानंतर हा नारळ हनुमान मंदिरात नेऊन भगवानाला अर्पण करावा. या उपायामुळे आर्थिक प्रगतीचे योग जुळतात.