Signs of a stroke: ब्रेन स्ट्रोक येण्यापूर्वी शरीरात दिसतात 'हे' मोठे बदल; सामान्य समजून दुर्लक्ष करू नका

आजच्या काळात ब्रेन स्ट्रोक ही एक गंभीर समस्या बनली आहे. इतकंच नाही तर ही समस्या झपाट्याने वाढत असल्याचं चित्र सध्या दिसून येतंय. जागतिक आरोग्य संघटना (WHO) च्या आकडेवारीनुसार, दरवर्षी जगभरात लाखो लोक स्ट्रोकचे बळी ठरतात. भारतातसुद्धा ही समस्या वेगाने वाढते आहे.

ब्रेन स्ट्रोकच्या समस्येमध्ये मेंदूमधील रक्तवाहिन्यांमध्ये (Blood Vessels) अडथळा निर्माण होतो किंवा त्या फुटतात. त्यामुळे मेंदूकडे जाणाऱ्या रक्तपुरवठ्यावर परिणाम होतो. परिणामी ब्रेन सेल्सना पुरेसा ऑक्सिजन आणि ऊर्जा मिळत नाही. परिणामी त्या मरण पावतात.

अनेकांना स्ट्रोक हा अचानक होणारा आजार वाटतो. पण प्रत्यक्षात शरीर आधीपासूनच त्याची काही लक्षणं दिसत असतात. जर हे संकेत वेळेत ओळखले आणि त्वरित डॉक्टरांकडे पोहोचलं तर मृत्यू टाळता येतो आणि रुग्णाचा जीव वाचतो.

स्ट्रोक होण्यापूर्वी दिसणारी प्रमुख लक्षणं

चेहरा वाकडा होणं (Facial Drooping)

अचानक चेहऱ्याचा एक भाग वाकडा दिसणं किंवा हसण्यात अडचण येणं, हे स्ट्रोकचं पहिलं लक्षण असू शकतं.

हात-पाय सुन्न पडणं (Weakness in Limbs)

हात किंवा पाय अचानक सुन्न पडणं, कमजोरी येणं, विशेषतः शरीराच्या एका बाजूला हा त्रास दिसणं हे महत्त्वाचं लक्षण आहे.

बोलण्यात अडचण येणं

अचानक नीट बोलता न येणं, आवाज अडखळणं किंवा शब्द स्पष्ट न उच्चारता येणं हे स्ट्रोकचं ठळक लक्षण मानलं जातं.

दृष्टी धूसर होणं

डोळ्यांसमोर अचानक धुकं आल्यासारखं वाटणं, दृष्टी धूसर होणं किंवा अचानक दिसेनासे होणं हाही इशारा आहे.

भयंकर डोकेदुखी

कोणताही त्रास नसताना अचानक आणि असह्य डोकेदुखी सुरू होणं हे देखील ब्रेन स्ट्रोकचे लक्षण असू शकते.

संतुलन बिघडणं

अचानक चालण्यात अडचण येणं, गरगरणं किंवा संतुलन सांभाळता न येणं हेही महत्त्वाचे चेतावणीचे चिन्ह आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत