वैदिक ज्योतिषशास्त्रानुसार, दरवर्षी एका ठरलेल्या वेळी सूर्य आणि चंद्रग्रहण होतात. या दोन्ही ग्रहणाचे परिणाम मानवी जीवनावर आणि जगावरही होत असतात. त्याचप्रमाणे ग्रहणाच्या वेळी कोणतंही शुभ कार्य करण्यास मनाई असते. यंदाच्या वर्षातील पहिलं चंद्रग्रहण २०२६ च्या पौर्णिमेच्या दिवशी होणार आहे.
या दिवशी होळी देखील आहे. हे चंद्रग्रहण शनीच्या अधिपत्याखालील कुंभ राशीत होणार आहे. यावेळी लागणाऱ्या चंद्रग्रहणाची वेळ आणि सुतक कालावधी जाणून घेऊया.
ज्यावेळी पृथ्वी सूर्य आणि चंद्राच्या मध्ये येते तेव्हा चंद्रग्रहण होतं. वैदिक कॅलेंडरनुसार, ३ मार्च २०२६ रोजी होणारे हे चंद्रग्रहण २०२६ वर्षातील पहिलं चंद्रग्रहण असणार आहे. हे ग्रहण संध्याकाळी ६:२७ वाजता सुरू होणार असून संध्याकाळी ६:४५ पर्यंत असेल. हे ग्रहण भारतात दिसणार आहे. त्यामुळे धार्मिक मान्यतेनुसार, त्याचा सुतक काळ देखील वैध ठरणार आहे.
३ मार्च रोजी सकाळी ९:३९ वाजता सुतक काळ सुरू होणार आहे. या सुतक काळात कोणतंही शुभ कार्य, पूजा, हवन किंवा नवीन प्रकल्प सुरू करण्यास मनाई असते.
चंद्रग्रहण आणि सुतक काळात जेवण करू नये. चंद्रग्रहणाच्या काळात चाकू, सुया आणि कात्री यांसारख्या धारदार वस्तू वापरू नयेत. नखं आणि केस कापणे देखील अशुभ मानण्यात येतं. ग्रहण काळात मंदिरांमध्ये पूजा केली जात नाही आणि घरातील देव्हाऱ्याचे दरवाजे बंद ठेवले जातात.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.