Mangalwar Upay: हनुमानजींचा हा एकच मंत्र करेल चमत्कार; मंगळवारच्या दिवशी उपाय केल्याने आयुष्यात येईल सुख

हिंदू धर्मामध्ये प्रत्येक दिवस हा एका देवाला समर्पित केलेला असतो. यामध्ये मंगळवार हनुमानाला समर्पित असतो. या दिवशी संकट मोचन हनुमानाची पूजा केल्याने जीवनातील सर्व संकटं दूर होतात. हनुमानजींच्या विशेष कृपेसाठी काही भाविक या दिवशी उपवासही करतात. पण अनेकदा असं होतं की बरेच प्रयत्न करूनही यश मिळत नाही.

यासाठीच मंगळवारी खऱ्या मनाने बजरंगबलीची पूजा करणं फायद्याचं मानलं जातं. यामध्ये मंगळवारी काही प्रभावी उपाय केले तर सर्व समस्यांवर मात करता येऊ शकतं. या भागात मंगळवारच्या काही प्रभावी उपायांबद्दल जाणून घेऊया.

नोकरी मिळवण्यासाठी खास उपाय

नोकरी करताना तुम्हाला खास यश मिळत नसेल तर तुम्ही हा उपाय करू शकता. यामध्ये मंगळवारी भोग म्हणून बजरंगबलीला पान अर्पण करा. यावेळी हनुमानजींसमोर बसून हनुमान चालीसा वाचा.

अपूर्ण कामं पूर्ण करण्याचे उपाय

जर तुमची काही कामं अडकली असतील तर या उपायांमुळे तुम्हाला यश मिळण्यास मदत होणारआहे. यासाठी मंगळवारी एक सोपा पण प्रभावी उपाय करा. मंगळवारी हनुमानजींची खऱ्या मनाने पूजा करावी आणि त्यानंतर त्यांच्यासमोर बसून रामरक्षा स्तोत्राचं पठण करावं.

मंगळ दोषासाठी उपाय

मंगळ दोष ज्या व्यक्तींना असेल त्यांनी हा उपाय करावा. जर कुंडलीतून मंगलदोष काढून टाकायचा असेल तर यासाठी गरजूंना लाल मिरची, तांब्याची भांडी आणि तत्सम लाल वस्तूंचं दान करावं.

पैशांची तंगी कशी दूर कराल?

जर तुम्हाला आर्थिक अडचणी असतील तर मंगळवारच्या दिवशी काही उपाय फायद्याचे ठरतील. यावेळी मंगळवारी हनुमानजींची पूजा केली आणि या काळात 21 वेळा मंत्राचा जप केला तर धनमार्ग खुला होणार आहे. यावेळी 'ॐ हा हनुमते नम:' या मंत्राचा जप करावा.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)