Recipe: उन्हाळ्यात वाळवणासाठी बनवा कुरकुरीत साबुदाणा बटाटा चकली; रेसिपी पाहा

Sabudana Batata Chakali Recipe In Marathi:

उन्हाळा सुरु झाला आहे. बाहेर कडकडीत ऊन पडायला सुरुवात झाली आहे. त्यामुळे घरोघरी वाळवण करण्यास सुरुवात झाली आहे. गृहिणींचा वाळवणासाठी तयारी सुरु झाली आहे. घराघरात पापड, कुरड्या, बटाट्याचे वेफर्स, किस, तांदळाचे पापड बनवले जातात. यासाठी पुरेसं ऊन आवश्यक असतात. त्यामुळे या दिवसातच वाळवण तयार केली जातात.

उन्हाळ्यात तयार केलेली ही वाळवण वर्षभर टिकतात. यामध्ये उपवासाची साबुदाणा, बटाटा चकली तयार केली जाते. ही चकली वर्षभर चांगली राहते. लहानांपासून मोठ्यापर्यंत सर्वजण ही चकली आवडीने खातात. याच साबुदाणा बटाटा चकलीची रेसिपी आम्ही तुम्हाला सांगणार आहोत. (Latest News In Marathi)

साम्रगी

• साबुदाणा

• बटाटा

• मीठ

• लाल मिरची पावडर

• गरम पाणी

कृती

• सर्वप्रथम साबुदाणा स्वच्छ धुवून घ्या. त्यानंतर ६ कप वाटी पाणी गरम करुन घ्या.

• साबुदाण्यामध्ये गरम पाणी टाका आणि काही तास हे साबुदाणे तसेच ठेवा.

• यानंतर कुकरमध्ये बटाटे उकडण्यासाठी ठेवा. बटाटे शिजल्यावर त्याची साल काढून किसून घ्या.

• बटाट्यांमध्ये भिजवलेला साबुदाणा, लाल तिखट, मीठ टाकूण सर्व मिश्रण एकत्रित करुन घ्या.

• हे सर्व मिश्रण चकली बनवण्याच्या साच्यामध्ये टाका आणि चकल्या पाडून घ्या.

• या चकल्या उन्हात वाळवून घ्या. चकली वाळली की ती तळून पाहा. ही चकली तुम्ही खाऊ शकता.

• ही साबुदाणा, बटाट्याची चकली खाण्यासाठी अतिशय चविष्ट असते. ही चकली तुम्ही वर्षभर बंद डब्यात ठेवू शकता.