Health Care: म्हातारपणात या आजारावर उपचार नाहीत; लहानपणापासूनच करा हे उपाय

Age Related Diseases: वय वाढत असताना विविध आजारांचा धोका वाढतो, विशेषतः ५० वर्षांनंतर शरीरातील हाडे व स्नायू कमकुवत होतात, रोगप्रतिकारक शक्ती घटते आणि मेंदूशी संबंधित विकार वाढतात. अल्झायमर हा जगभर झपाट्याने वाढणारा मेंदूचा विकार आहे. संशोधनानुसार, ५५ वर्षांवरील लोकांमध्ये अल्झायमरचा धोका ४२% ने वाढतो. हा आजार स्मरणशक्ती, विचारशक्ती आणि शिकण्याच्या क्षमतेवर परिणाम करतो. वेळेत काळजी घेतली नाही तर तो डिमेंशियाचे रूप घेऊ शकतो. दुर्दैवाने, या आजारावर कोणताही ठोस इलाज नाही. त्यामुळे लहानपणापासूनच निरोगी जीवनशैली आणि प्रतिबंधात्मक उपायांचा अवलंब करणे अत्यंत आवश्यक आहे.

अमेरिकेत ६५ वर्षे आणि त्याहून अधिक वयाच्या सुमारे ७ दशलक्ष लोक अल्झायमरने प्रभावित आहेत. विशेषतः, ७५ वर्षे किंवा त्याहून अधिक वयाच्या ७०% लोकांना हा आजार आहे. अल्झायमरची सुरुवात अलीकडील घटना आणि संभाषण विसरण्याने होते. हळूहळू स्मरणशक्ती अधिक कमजोर होत जाते आणि दैनंदिन कामे करणे कठीण होते. हा मेंदूशी संबंधित आजार असल्यामुळे वेळेत लक्ष न दिल्यास स्थिती अधिक बिघडते. त्यामुळे वृद्धावस्थेत अल्झायमरचा धोका कमी करण्यासाठी निरोगी जीवनशैली(Lifestyle) आणि मानसिक आरोग्य सुधारण्यासाठी योग्य उपाययोजना करणे गरजेचे आहे.

अल्झायमर रोगाची लक्षणे कोणती?

अल्झायमर हा हळूहळू विकसित होणारा मेंदूचा विकार असून, त्याची लक्षणे कालांतराने तीव्र होतात. सुरुवातीला छोटी गोष्टी विसरणे, नावे व ठिकाणे आठवण्यात अडचण येणे, निर्णय घेण्यास कठीण जाणे, संवादातील अडथळे, चिडचिड आणि नैराश्य अशी लक्षणे दिसू शकतात. संशोधनानुसार, बीटा-अ‍ॅमायलॉइड प्लेक नावाच्या प्रथिनाचे असामान्य साठे न्यूरॉन्सचे नुकसान करतात, ज्यामुळे स्मरणशक्ती व मेंदूच्या कार्यक्षमतेवर परिणाम होतो. आरोग्य तज्ञांच्या मते, हा आजार कोणालाही होऊ शकतो. त्यामुळे अल्झायमरचा धोका टाळण्यासाठी लहान वयापासूनच आरोग्यदायी सवयी अंगीकारणे आणि प्रतिबंधात्मक उपायांचा अवलंब करणे आवश्यक आहे.

अल्झायमरवर कोणताही निश्चित इलाज नाही, परंतु योग्य जीवनशैली आणि दैनंदिन सवयी सुधारून त्याचा धोका कमी करता येतो. नियमित व्यायाम, योग आणि ध्यान यांसारख्या मानसिक क्रियाकलापांमुळे अल्झायमरचा धोका ३०% कमी होतो. जामा न्यूरोलॉजी जर्नलच्या अभ्यासानुसार, व्हिटॅमिन-डीची कमतरता आणि अल्झायमरमध्ये मजबूत संबंध आढळला आहे. त्यामुळे निरोगी आणि संतुलित आहार घेतल्यास मेंदूचे आरोग्य सुधारते आणि अल्झायमर टाळण्यास मदत होते. वेळेत योग्य उपाय केल्यास या आजाराचा धोका कमी करता येतो.

अल्झायमर रोग (Disease)रोखण्याचा कोणताही खात्रीशीर मार्ग नाही, तथापि, काही खबरदारी घेऊन तुम्ही हा आजार रोखू शकता. निरोगी आहार घ्या: हिरव्या भाज्या, फळे, काजू, ऑलिव्ह ऑइल आणि मासे खा आणि नियमित व्यायाम करा, दररोज ३० मिनिटे चालणे, योगासने आणि ध्यान करा.पुरेशी झोप घ्या, मेंदूसाठी दररोज ७-८ तासांची गाढ झोप आवश्यक आहे. झोपेचा अभाव अल्झायमर रोगाचा धोका वाढवतो.सामाजिकदृष्ट्या सक्रिय रहा, मित्र आणि कुटुंबियांसोबत जास्त वेळ घालवा आणि तुम्हाला आवडणाऱ्या गोष्टी करा. रक्तदाब आणि साखर नियंत्रित करा: उच्च रक्तदाब आणि मधुमेह नियंत्रित ठेवणे देखील तुमच्यासाठी महत्त्वाचे आहे.