Home Decorating Tips : ओढणी जुनी झाली म्हणून फेकून देऊ नका; 'या' पद्धतीने तुमचं घर सजवा

महिला आणि तरुणींकडे विविध प्रकारचे फॅशनेबल ड्रेस असतात. नवीन ड्रेस खरेदी केल्यावर त्यावर सुंदर अशी नवीन ओढणी सुद्धा मिळते. आता ड्रेस खराब होतो आणि आपण तो फेकूनही देतो. मात्र ओढणी जशीच्या तशी राहते फक्त ती जुनी झालेली असते. त्यामुळे ही ओढणी फेकून द्यावीशी वाटत नाही.

एक एक करून आपल्याकडे ओढणीचा ढिग साठतो. त्यामुळे अशा ओढणीचे आपण काय करावे आणि काय करू नये हे कुणालाच समजत नाही. म्हणूनच आज ओढणीचे तुम्ही काय काय करू शकता याची माहिती सांगणार आहोत.

उशीसाठी कवर

आपली ओढणी अगदीच लहान सुद्धा नसते आणि फार मोठी सुद्धा नसते. त्यामुळे या ओढणीचा आपण स्वत:साठी एखादा ड्रेस शिवू शकत नाही. त्यामुळे या ओढणीचा वापर तुम्ही उशीसाठी कवर बनवण्यासाठी करु शकता. यामध्ये तुम्हाला आधी ओढणी व्यवस्थित कट करून घ्यावी लागेल. त्यानंतर उशीच्या साईजनुसार ती शिवून घ्याली लागेल. ओढणीवरील डिझाइन अगदी वेगळी असते. त्यामुळे उशांवर ती फार शोभून दिसते.

टेबलसाठी कवर

आपल्या घरात लिविंग रुममध्ये असलेला टेबल तुम्ही ओढणीने कवर करू शकतात. ओढणीवर विविध नक्षी असतात. त्यामुळे त्या एकत्र करून तुम्ही एक वेगळी आणि सुंदर डिझाइन बनवू शकता. त्यामुळे टेबलवर कवरसाठी तुम्ही या ओढणीचा वापर करू शकता.

घरासाठी पडदे

घरात प्रत्येक महिला आपला बेडरुम नेहमी वेगळेगळ्या पद्धतीने सजवत असते. आता तुम्हाला देखील काही हटके करायचे असेल तर घरासाठी पडद्यांऐवजी तुम्ही ओढणीचा वापर करू शकता. ओढणीचा वापर केल्याने घरातील खिडक्या तसेच एखादे कपाट झाकण्यासाठी तुम्ही रंगिबेरंगी ओढण्यांचा वापर करू शकता.

डोअरमॅट बनवा

प्रत्येक व्यक्तीच्या घरासमोर आणि दारासमोर एक डोअरमॅट असते. डोअरमॅट असल्याने आपण त्यावर पाय स्वच्छ करू शकतो. घरात प्रवेश करताना प्रत्येक व्यक्तीचे पाय सर्वात आधी डोअरमॅटवर पडतात. त्यामुळे प्रत्येक जण आपल्या घराची शोभा वाढवण्यासाठी विविध पद्धतीच्या डोअरमॅटचा वापर करतात. तुम्ही सुद्धा तुमचं घर आणखी सुंदर व्हावं यासाठी न वापरत असलेल्या ओढण्यांना एकत्र करून त्यापासून सुंदर डोअरमॅट बनवू शकता.