Flight Travel Tips: विमानाने प्रवास करताय? तर हे कपडे कधीच घालू नका; जाणून घ्या कारणं

Never Wear These Clothes In Flight :

सध्या सर्वांचेच आयुष्य खूप जास्त धावपळीचे असते. सर्वांनाच प्रवासाचा वेळ वाचवायचा असतो. खूप लांबचा पल्ला अगदी काही वेळात पूर्ण करायचा असतो. यासाठी बहुतेक लोक विमानाचा प्रवास निवडतात. परंतु विमान प्रवास करतानाही काही गोष्टींची काळजी घेणे आवश्यक आहे.

विमान प्रवासात सूचना किंवा काही गोष्टी समजावून सांगण्यासाठी सल्लागार असतात. परंतु काही गोष्टींची काळजी घेणे हे प्रवाशांच्या हातात असते. विमान प्रवासात कोणते कपडे घालावेत किंवा घालू नये. तर कोणते सामान घेऊन जावे कोणते नाही याबाबतही संभ्रम असतो. त्याबाबत माहिती आज आम्ही तुम्हाला देणार आहोत.

विमान प्रवासात हे कपडे आजिबात घालू नका

टॉमी सायमाटे या फ्लाइट अटेंडंटने टिकटॉकवर एक व्हिडिओ शेअर केला आहे. त्यात तिने विमानातील काही गोष्टी समजावून सांगितल्या आहेत. विमान प्रवास करताना शॉर्ट्स किंवा स्कर्ट कधीही घालू नये. तुम्हाला असे वाटत असेल की, हे कपडे खूप जास्त कम्फर्टेबल आहेत. परंतु हे कपडे घालण्यास मनाई आहे.

तिने सांगितले की, फ्लाइटची सीट किती स्वच्छ किंवा घाण असते. हे तुम्हाला माहित नसते. अशा परिस्थिती तुम्ही संपूर्ण कपडे परिधान करावेत. जेणेकरुन तुमच्यावर जंतूचा कमीतकमी परिणाम होईल. त्याचबरोबर फ्लाइटच्या खिडकीवर उभे राहू नये कारण बरेच लोक त्यांच्या हातांनी स्पर्श करतात. त्यामुळे त्यांचे आजार कदाचित तुम्हालाही होऊ शकतात. त्यामुळे या सर्व गोष्टींची काळजी घ्यावी.

या गोष्टी लक्षात ठेवा

क्रू मेंबरने विमानात काळजी घेण्याबाबत ५ गोष्टी सांगितल्या आहेत. यामुळे तुमचा विमान प्रवासातील धोका कमी होईल. यात शॉर्ट्स किंवा स्कर्ट घालू नये. खिडकीवर हात ठेवू नये. तसेच टॉयलेटमध्ये फ्लश बटण आणि लिवर बटणला स्पर्श करु नका. नेहमी टिश्यू पेपर वापरा. ट्रॅकसूट घालून जाण्याचा प्रयत्न करा. जेणेकरुन विमानात कोणत्याही व्यक्तीसोबत डायरेक्ट संबंध येणार नाही.