Carrot Soup : थंडीच्या दिवसात प्या गाजराचे सूप;आरोग्यासाठी ठरेल अत्यंत पौष्टिक, पाहा रेसिपी

Carrot Soup : थंडीच्या दिवसांमध्ये बाजारात गाजर भरपूर प्रमाणात उपलब्ध असतात. सर्वात जास्त प्रमाणात लोक गाजराचा हलवा बनवून खाण्यास पसंत करतात. त्याचबरोबर गाजर सॅलड मधून आणि कच्च सुद्धा खाल्ले जाते. अशातच गाजराचा हलवा बनवण्यासाठी भरपूर सामग्री आणि भरपूर वेळही लागतो.

त्याचबरोबर थंडीच्या दिवसात सगळ्यांनाच चटकदार खाण्याचा मोह झालेला असतो. अशातच गरमागरम सूप भेटलं तर कोणालाही आवडेलच. गाजर हे आपल्या आरोग्यासाठी अतिशय फायदेशीर असते. त्याचबरोबर गाजर आहे आपल्या शरीराला अनेक प्रकारचा फायदा देते.

गाजरामध्ये भरपूर प्रमाणात एंटीऑक्सीडेंट असतात. ज्याच्या सेवनाने तुम्हाला व्हिटॅमिन (Vitamins) ए, सी, के, आयन, पोटॅशियम इत्यादी तत्वे प्राप्त होतात. गाजराचा सूप तुम्ही जेवणाच्या आधी पिऊ शकता. चला तर मग जाणून घेऊ गाजराच सूप कसं बनवायचं.

1. साहित्य :

• गाजर - 200 ग्रॅम

• एक बारीक कापलेला कांदा

• तीन ते चार लसूणच्या पाकळ्या

• आल्याचा एक तुकडा

• व्हेजिटेबल ऑइल (Oil)

• काळी मिरी

• चवीनुसार मीठ

• दोन मोठे चमचे क्रीम

• आवश्यकतेनुसार पाणी

2. कृती

• सर्वप्रथम गाजर स्वच्छ पाण्याने धुवून घ्या. त्यानंतर गाजरला कुकरमध्ये टाकून त्यात थोडंसं प्यायचं पाणी टाकून उकळवून घ्या.

• आता गाजर आणि पाणी वेगळ्या भांड्यामध्ये काढून घ्या.

• एका मिक्सरमध्ये गाजर टाकून पेस्ट तयार करून घ्या. आता एक पॅन गॅस वरती ठेवा.

• पॅनमध्ये तेल टाकून कांदा, लसूण, आलं बारीक कापून तेलामध्ये परता. कांदा ब्राऊन होईपर्यंत परतावा.

• आता गाजरची मिक्सरमध्ये केलेली पेस्ट टाकून शिजवून घ्या सूप जास्त घट्ट बनवायचं नाही आहे.

• तुम्हाला असं वाटत असेल की सूप जास्त घट्ट झाल आहे. तर तुम्ही त्यामध्ये आवश्यकतेनुसार पाणी घालू शकता.

• आता सूपमध्ये चवीनुसार मीठ टाकून मिक्स करून घ्या. एक ते दोन मिनिटे उकळून गॅस बंद करा.

• आता सूपच्या वरून क्रीम, काळी मिरेपूड टाकून गरमागरम डिनरच्या आधी खाऊन घ्या.

• गाजरचं सूप चविष्ट तर असेलच त्याचबरोबर तुमच्या आरोग्यासाठी देखील चांगल असेल.