Winter Hair Care : हिवाळ्यात केस गळतीची समस्या अधिक होतेय ? अशी घ्या काळजी

Winter Hair Care : हिवाळ्यात चेहरा कोरडा पडतो तसेच केसांच्या समस्या पण येतात. केसात कोंडा होणे, खाज सुटणे अशा समस्या येतात. थंडी असल्यामुळे गरम पाणी चा वापर केस धुण्यासाठी करतो त्यामुळे केसांमध्ये कमजोरी येते. थंडी आल्यावर आपल्या अनेक या समस्याचा सामना करावा लागतो त्यामुळे थंडी (Cold) मध्ये केसांची (Hair) काळजी कशी घेयायची याबद्दल माहिती देणार आहोत.

गरम पाण्याने केस धुवू नका -

हिवाळ्यात गरम पाणी नक्कीच आराम देते, परंतु ते टाळूसाठी चांगले नाही. यामुळे कोंडा तर वाढतोच, पण केस गळणे आणि तुटणे देखील होते.

केमिकलयुक्त शैम्पू वापर करू नका -

केमिकलयुक्त शैम्पू आपल्या केसांना कमजोर करतात तसेच केस कोरडे होतात त्यामुळे natrual शैम्पूचा उपयोग केला पाहिजे त्यामुळे केसांच्या अनेक समस्या दूर होतील.

शक्यतो ड्रायरचा उपयोग करू नका -

ड्रायरचा वापर केल्यामुळे आपले केस लगेच सेट होतात पण त्यातून गरम गरम वाफ केसांना लागते त्या वाफेमुळे केस कमजोर होतात तसेच केस गळतात.त्यामुळे केस सेट करण्यासाठी ड्रायरचा उपयोग करू नये.

योग्य आहार घ्या -

आपला आहार नेहमी योग्य असावा त्यामुळे आपले आरोग्य चागले राहते.केस मजबूत ठेवण्यासाठी आपल्या आहारात फळे,भाज्यांचा समावेश करावा.सिझनल फ्रूट खाल्याने केसांवर चागला परिणाम होतो.

आठवड्यात एकदा हेअर मसाज नक्की करा -

आठवड्यात एकदा केसांना तेल लावून माध्यापसून मालिश केली पाहिजे त्यामुळे केसातील कोरडेपणा दूर होतो आणि तुमचे केस वाढण्यात सुद्धा मदत होते

केस हळूहळू विचरा -

केसाला जोरजोरात कंगवा लावून विचरू नये त्यामुळे केस तुटतात. टाळू वर खाज सुटते. तसेच केसाची ताणून वेणी घालू नका त्यामुळे केस ताणून तुटण्याची शक्यता असते त्यामुळे शक्यतो केस जरा लुझ बांधा.