High Blood Sugar: ही ५ लक्षणं दिसली तर समजा नियंत्रणाबाहेर गेलाय डायबेटीस; डॉक्टरांना लगेच करा फोन

सध्या मधुमेह हा जगातील सर्वात सामान्यपणे दिसून येणारा एक आजार आहे. याचा परिणाम तुमच्या दैनंदिन जीवनावर होतो. तज्ज्ञांच्या म्हणण्यानुसार, ज्यावेळी तुमच्या शरीरात ब्लड शुगर वाढते तेव्हा त्याचा परिणाम तुमच्या त्वचेवर दिसून येतो. अशावेळी त्वचेवर दिसून येणारी लक्षणं वेळीच ओळखली गेली पाहिजेत.

शरीरात ब्लड शुगर वाढली की त्याची त्वचेवर कोणती लक्षणं दिसून येतात ते पाहूयात. जेणेकरून तुम्हाला त्यावर वेळेत उपचार करण्यात येतील.

शिन स्पॉट्स

शिन स्पॉट्स किंवा डायबेटिक डर्मोपॅथी ही मधुमेहाशी संबंधित सर्वात सामान्य त्वचेची समस्या आहे. याला स्पॉटेड लेग सिंड्रोम म्हणून देखील ओळखलं जातं. त्वचेवर दिसून येणारे हे स्पॉट्स गोल किंवा अंडाकृती स्पॉट्स असतात. याचा रंग ब्राऊन किंवा लालसर असू शकतात.

त्वचा काहीशी कडक होणं

ज्यावेळी तुमच्या शरीरात ब्लड शुगरचं प्रमाण वाढू लागतं तेव्हा त्वचेमध्ये कोलेजन जमा होऊ लागतं. अशावेळी त्वचा जाड होते. या स्थितीला मेडिकल टर्म स्क्लेरेडेमा डायबेटिकोरम असं म्हणतात.

जखम होणं

डायबेटीजमुळे शरीराच्या जखमा लवकर बऱ्या होत नाहीत. ब्लड शुगरचं प्रमाण सतत वाढल्याने रक्ताभिसरणावर परिणाम होतो. यावेळी तुमच्या मज्जातंतूंना देखील नुकसान होऊ शकतं. अशावेळी झालेल्या जखमा लवकर बऱ्या होत नाहीत.

त्वचेवर पुरळ येणं

जर तुमच्या त्वचेवर अचानक लहान पुरळ दिसत असतील तर त्याकडे दुर्लक्ष करू नका. हे देखील एक धोक्याचं लक्षण असू शकतं. जर डायबेटीज नियंत्रणाबाहेर गेला तर ट्रायग्लिसराइडची पातळी वाढू लागते. अशावेळी पुरळ येतात.

त्वचा काळी पडणं

मान, काखेकडील भाग किंवा मांड्यांभोवतीची त्वचा काळी पडणं आणि जाड होणं हे डायबेटीजचं किंवा प्रीडायबिटीजचे लक्षण असू शकतं. या स्थितीला अ‍ॅकॅन्थोसिस निग्रिकन्स असं म्हणतात. याचा संबंध इन्सुलिन रेझिस्टन्सशी आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.