IAS Success Story : आई मजूर, वडील रिक्षाचालक... मुलगा झाला IAS अधिकारी; महाराष्ट्रातल्या तरूणाची प्रेरणादायी यशोगाथा

IAS Success Story : मुलांपेक्षा मुलीच नेहमी कोणत्याही बाबतीत बाजी मारतात. भारतातील सगळ्यात अवघड असणारी UPSC परीक्षेत केवळ भारतातीलच नव्हे तर जागतिक स्तरावर सर्वात आव्हानात्मक भरती परीक्षांपैकी एक आहे. अनेकांना परीक्षा उत्तीर्ण होण्यासाठी अनेक वर्षे लागतात, तर 21 वर्षीय अन्सार शेख हा सर्वात कमी वयात ही परीक्षा उत्तीर्ण करणारा आणि आयएएस बनणारा सर्वात तरुण ठरला आहे.

अनेक वर्षांच्या कठोर परिश्रमानंतर, शेवटी लाखो उमेदवार दरवर्षी परीक्षेला बसतात, परंतु काही निवडकच शेवटी निवडले जातात. केवळ कठोर परिश्रम, दिशा आणि दृढनिश्चयाची रणनीती यूपीएससी उमेदवारांना परीक्षेत यश मिळवण्यास मदत करू शकते.

अशीच एक गोष्ट आहे अन्सार शेखची, ज्याने 2016 मध्ये वयाच्या 21 व्या वर्षी सर्वात तरुण IAS बनला असून त्याने हा इतिहास (History) रचला. UPSC 2016 मध्ये त्याने पहिल्याच प्रयत्नात अखिल भारतीय रँक 361 मिळवला.

अन्सार शेखचे वडील योनास शेख अहमद हे मराठवाडा, महाराष्ट्र येथेली रिक्षा चालक आहेत. त्याची आई शेतात काम करायची. अन्सार शेख यांचे पालन-पोषण अशा कुटुंबात झाले, ज्यांना अनेक अडचणींचा सामना करावा लागला. त्याच्या धाकट्या भावाने सातवी इयत्तेत शाळा सोडली आणि कुटुंबाला हातभार लावण्यासाठी गॅरेजमध्ये काम केले आणि अन्सारला यूपीएससी परीक्षेची तयारी करण्यास मदत केली. अन्सार शेखचे बालपण संघर्षापेक्षा कमी नव्हते, परंतु, या सर्व आव्हानांना न जुमानता अन्सारने आपले ध्येय साध्य करण्यासाठी कठोर परिश्रम घेतले.

अन्सार शेखने पुण्याच्या (Pune) फर्ग्युसन कॉलेजमधून राज्यशास्त्रात पदवी संपादन केली आहे. पीजीसाठी देखील त्यांना अथक परिश्रम करावे लागले. त्याची राहण्याची सोय न झाल्यामुळे त्याला त्यावेळी नावही बदलावे लागले. एका मुलाखतीत अन्सारने सांगितले होते की, "मी माझे नाव शुभम असल्याचे सांगितले होते, जे प्रत्यक्षात माझ्या मित्राचे नाव होते. आता मला माझे खरे नाव लपविण्याची मला गरज नाही,"

सर्व शक्यता असूनही अन्सार आपल्या ध्येयापासून कधीच भरकटला नाही. अन्सारने वडिलांच्या पावलावर पाऊल ठेवण्याऐवजी वेगळा मार्ग निवडला आणि या क्षेत्रात एक नवा विक्रम घडवला. त्याच्या कुटुंबाने शिक्षणाला महत्त्वाचे स्थान दिले नाही ही वस्तुस्थिती लक्षात घेतली तर त्याचे हे यश अनेक तरुणांना प्रेरणादायी ठरेल. सध्या अन्सार शेख पश्चिम बंगालमध्ये तैनात आहे.