Mix Veg Bhaji: मुलं सगळ्या भाज्या करतील फस्त, थंडीत चहाबरोबर करा कुरकरीत भजीचा बेत

थंडीच्या दिवसांत प्रत्येकाचं मन काहीतरी गरमागरम आणि खमंग खाण्याचं होतं. अशा वेळी जर तुम्हाला काही हेल्दी, टेस्टी आणि झटपट बनवायचं असेल, तर मिक्स व्हेज सूजी पकोडा हा एकदम परफेक्ट पर्याय आहे. या पकोड्यांमध्ये रव्याची मऊसर चव आणि रंगीबेरंगी भाज्यांचा सुंदर तडका मिळून एक अप्रतिम कॉम्बिनेशन तयार होतं. हे पकोडे बाहेरून खमंग कुरकुरीत आणि आतून मऊ असतात. संध्याकाळच्या चहासोबत, पावसाळ्यात किंवा अचानक आलेल्या पाहुण्यांसाठी हा झटपट स्नॅक अगदी योग्य ठरतो. लहान मुलं भाज्या खात नसतील तर तुम्ही हे भजी त्यांना देऊ शकता.

मिक्स व्हेज भजी बनवण्यासाठी लागणारे साहित्य

१ कप रवा, दीड कप दही, १ बारीक चिरलेला कांदा, २ बारीक चिरलेल्या हिरव्या मिरच्या, १ किसलेली गाजर, दीड कप चिरलेली शिमला मिरची, दीड कप चिरलेली पत्ता गोभी, १ टीस्पून किसलेले आले, २ टेबलस्पून चिरलेली कोथिंबीर, दीड टीस्पून लाल तिखट, ¼ टीस्पून हळद, मीठ चवीनुसार आणि तळण्यासाठी तेल.

कृती

एका भांड्यात रवा आणि दही घालून नीट मिक्स करा. हळूहळू पाणी घालत घट्टसर मिश्रण तयार करा आणि ते 10-15 मिनिटं झाकून ठेवा. म्हणजे रवा फुलून येईल. आता त्यात सर्व चिरलेल्या भाज्या, मसाले आणि थोडासा बेकिंग सोडा घालून चांगलं मिक्स करा.

कढईत तेल गरम करून मध्यम आचेवर छोटे-छोटे पकोडे सोडत तळा. ते सोनेरी आणि खमंग झाले की टिश्यू पेपरवर काढून अतिरिक्त तेल शोषून घ्या. हे गरमागरम भजी हिरव्या चटणी किंवा टोमॅटो सॉसबरोबर सर्व्ह करा आणि थंडीच्या संध्याकाळी चहाबरोबर या कराऱ्या मिक्स व्हेज सूजी भजीचा आस्वाद घ्या.