Dudhi Bhopla Barfi: घरच्या घरी बनवा चविष्ट आणि पौष्टिक दुधी भोपळ्याची बर्फी, पाहा रेसिपी

Dudhi Bhopla Barfi Recipe :

जेवण झाल्यावर काहीतरी गोडाचा पदार्थ हवाच असतो. गोडाचा पदार्थ खाल्ल्याशिवाय जेवण पूर्ण झाल्यासारखे वाटत नाही. त्यात जर बर्फी किंवा पेढा असेल तर अजूनच मज्जा येते. तसेच बर्फी फक्त जेवणानंतर नव्हे तर कोणत्याही समारंभाला किंवा पाहुणे आल्यावर दिली जाते. अशीच दुधी भोपळ्याच्या बर्फीची रेसीपी आम्ही तुम्हाला सांगणार आहोत.

दुधी भोपळ्याची भाजी म्हटलं की अनेकांना आवडत नाही. मात्र, दुधी भोपळा हा शरीरासाठी अत्यंत फायदेशीर असतो. त्यात अनेक पोषक तत्वे असतात. त्यामुळेच घरी ही दुधी भोपळ्याच्या बर्फीची रेसीपी नक्की ट्राय करा. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. साहित्य

• १ किलोग्रॅम- दुधी भोपळा

• 3/2 कप - दूध (Milk)

• 3/4 कप - दूध पावडर

• १ कप - किसलेले खोबरे (Coconut)

• २ टेबलस्पून- तूप

• 3/4 कप- साखर (Sugar)

• खाण्याचा रंग - आवश्यकतेनुसार

2. कृती

• सर्वप्रथम दुधीभोपळा किसून त्यातील बिया काढून टाका.

• त्यानंतर कढईत १ चमचा तूप टाकून त्यात किसलेला दूधी भोपळा ५-६ मिनिटे परतून घ्या.

• त्यानंतर त्यात ३ कप दूध घालून २०-२२ मिनिटे शिजवून घ्या.

• यानंतर त्यात साखर आणि हिरवा फूड कलर घाला. काही मिनिटे साखर विरघळेपर्यंत दूधीभोपळा शिजवून घ्या.

• त्यानंतर त्यात किसलेले खोबरं टाका आणि मंद आचेवर ८- १० मिनिटे शिजवा.

• त्यानंतर बर्फीचे मिश्रण एका साच्यात टाकून ३-४ तास आकार येईपर्यंत ठेवा.

• त्यानंतर त्याचे चौकोनी किंवा आयताकृती तुकडे करा आणि तुमची बर्फी तयार आहे.