Symptoms of Heart Attack: महिनाभर आधीच दिसतात हार्ट अटॅक लक्षणं, या ५ संकेताकडे दुर्लक्ष करू नका

हार्ट अटॅक हा लगेचच येत नाही, तर यामागे अनेक कारणं असतात. बऱ्याच वेळेस लोकांचा गैरसमज असतो की, हार्ट अटॅक येण्यापुर्वी काहीच लक्षणे जाणवत नाहीत. पण तुम्हाला माहितीये का? तुमचं शरीर हे हार्ट अटॅक येण्याच्या १ महिना आधीच काही संकेत देतं. त्यामुळे कोणतीही लक्षणे जाणवल्यास तुम्ही त्वरिक तज्ज्ञांचा सल्ला घेतला पाहिजे. पुढे आपण हार्ट अटॅक येण्याआधी शरीर काय संकेत देतं याबद्दल जाणून घेणार आहे.

हार्ट अटॅक म्हणजे छातीत कळ येणे हे अनेकांना माहीतच असेल. त्याचसोबत तुम्हाला १ महिन्याआधी ही समस्या जाणवते. त्यामध्ये छातीत हलकी कळ येत असते, छाती जड झाल्यासारखे वाटू शकते. काही वेळेस हे दुखणे खांदे, हात, मान आणि पाठीच्या भागात सुद्धा जाणवतात. जर तुम्हाला ही लक्षणं वारंवार जाणवत असतील तर त्याकडे दुर्लक्ष करु नका.

तुम्हाला जर सतत थकवा जाणवत असेल आणि त्याला काहीच कारण नसेल तर तुम्हाला हार्ट अटॅकचा धोका जाणवत असतो. यामध्ये तुम्हाला थकवा, आळस आणि अशक्तपणा जाणवतो. हे हार्ट अटॅकचे लक्षण असू शकते. जर तुम्हाला खूप काम केल्याशिवाय थकवा जाणवत असेल तर त्याकडे दुर्लक्ष करु नका. याचं एक मुख्य कारण म्हणजे तुमच्या शरीरातील ऑक्सीजनची कमतरता सुद्धा असू शकते.

तज्ज्ञ सांगतात की, हृदयाच्या ठोक्यात अडथळा आल्यास फुफ्फुसांना पुरेसा ऑक्सिजन मिळत नाही. त्यामुळे श्वास घेताना अडथळा निर्माण होतो, अस्वस्थता येते आणि चिंता वाढते. जर दुखणे, हालचाली केल्यानंतरही श्वास घ्यायला त्रास होत असेल, तर ते हार्ट अटॅकचे लक्षण असू शकते. अनेकदा लोक गॅस, अपचन किंवा छातीत जळजळ यासारख्या समस्यांना सामान्य मानतात. पण, जर ही लक्षणे वारंवार दिसू लागली आणि औषधोपचारानंतरही आराम मिळत नसेल, तर तेही हार्ट अटॅकचे संकेत मानले जातात.