Healthy Chutney : महिलांच्या विविध आजारांसाठी गुणकारी चटणी; एकदा खाऊन तर पाहा

महिलांना वयानुसार आरोग्याशी संबंधित विविध समस्या जाणवतात. महिलांमध्ये रोगप्रतिकारक शक्ती आणि हिमोग्लोबीन कमी असते त्यामुळे त्या पटकन आजारी पडतात. तसेच सांधेदुखी, कंबरदुखी अशा विविध समस्या महिलांना जानवतात. या समस्यांवर मात करण्यासाठी अनेक महिला वैद्यकीय उपचार घेतात.

मात्र फक्त वैद्यकीय उपचार पुरेसे नसतात. त्यासाठी तुमच्या आहारात देखील बदल करणे गरजेचे असते. डॉक्टरांकडून देखील महिलांना आहारात विविध पदार्थ खाण्याचा सल्ला दिला जातो. काही महिलांना डायेट प्लान देखील दिला जातो. मात्र कामाच्या व्यापात त्यांना हे पदार्थ नेमके कधी खावेत हे समजत नाही. त्यामुळे महिलांना होणाऱ्या विविध आजारांवर एक रामबाण चटणी आम्ही शोधली आहे.

@Cooking ticket marathi या युट्यूब अकाउंटवर सदर रामबाण चटणीचा व्हिडिओ पोस्ट केला आहे. ही चटणी रोजच्या जेवणात एक चमचा खाल्ल्यानतंर सांधेदुखी, वात, पित्त, कंबरदुखी, हिमोग्लोबीन वाढण्यास मदत होते.

साहित्य

खुरसणी १ वाटी १०० ग्राम

पांढरे तिळ पाव वाटी

शेंगदाणे पाव वाटी

लसूण पाव वाटी

सैंधव मिठ

काश्मिरी मिरची पावडर

कृती

सर्वात आधी एका कढईत खुरसणी लो फ्लेमवर भाजून घ्या. त्यानंतर यामध्ये पांढरे तिळ आणि शेंगदाणे टाका. लसूण सर्वात थेवटी थोडासा भाजून घ्या. त्यानंतर हे सर्व मिश्रण एकत्र करून मिक्सराला वाटतानाच त्यामध्ये जिरे, मीठ आणि काश्मिरी मिरची पावडर टाकून घ्या.