Hanuman Jayanti 2025: यंदाच्या वर्षी हनुमान जयंतीला भद्राची सावली; नोट करून घ्या पुजेचं साहित्य, मुहूर्त आणि मंत्र

दरवर्षी चैत्र शुक्ल पक्षाच्या पौर्णिमेला हनुमान जयंती साजरी करण्यात येते. या दिवशी भक्त हनुमानजींची जयंती भक्ती मोठ्या श्रद्धेने केली जाते. ठिकठिकाणच्या मंदिरात जाऊन भक्त हनुमानाचं दर्शन घेतात. पौराणिक मान्यतेनुसार, हनुमानजींना रुद्राचा अवतार मानण्यात येतं. याशिवाय कलियुगात ते अमर स्वरूपात अस्तित्वात असल्याचीही मान्यता आहे. ते आपल्या भक्तांचा त्रास दूर करत असल्याने त्यांना संकटमोचन असंही म्हणतात.

हनुमानजींच्या महान शक्तीचा पुरावा म्हणजे त्यांनी सीता मातेचा शोध लावला होता. त्याचप्रमाणे संकटकाळी त्यांनी लक्ष्मणाचे प्राण वाचवले. पंचांगानुसार, या वर्षी हनुमान जयंतीलाही भद्राची सावली असणार आहे. अशा परिस्थितीत, हनुमान जयंतीची तारीख, पूजेची पद्धत, शुभ मुहूर्त आणि आवश्यक असलेलं पूजेचं साहित्य जाणून घेणं गरजेचं आहे.

हनुमान जयंतीची तिथी

• चैत्र पौर्णिमा तिथी १२ एप्रिल २०२५ रोजी पहाटे ०३:२१ वाजता सुरू होईल.

• पौर्णिमा तिथी १३ एप्रिल २०२५ सकाळी ०५:५१ वाजता संपणार आहे.

हनुमान जयंतीचे शुभ मुहूर्त

• ब्रह्म मुहूर्त - पहाटे ०४:२९ ते ०५:१४ पर्यंत

• अभिजीत मुहूर्त - सकाळी 11:56 ते दुपारी 12:48 पर्यंत

• विजय मुहूर्त - दुपारी 02:30 ते दुपारी 03:21 पर्यंत

भद्राची वेळ काय आहे?

भद्रा वेळ सकाळी ०५:५९ वाजता सुरू होणार आहे आणि संध्याकाळी ४:३५ वाजता संपणार आहे.

हनुमान जयंतीच्या पुजेसाठी लागणारं साहित्य

हनुमानजींची मूर्ती किंवा फोटो, लाल कापड आणि कंबरेचं कापड, लाल रंगाची फुलं आणि माळ, धूप, अक्षता, चंदन, दिवा (माती/पितळ), गाईचं तूप, चमेलीचं तेल, सुपारीची पानं, सुपारी, लवंग, वेलची, विडा, कुंकू, हनुमानजींचा ध्वज, पवित्र धागा, चरण पादुका, हनुमान चालीसा पुस्तक, शंख, घंटा, नैवेद्य.

पुजा करण्याचा मंत्र कोणता?

मनोजवं मारुततुल्यवेगं जितेन्द्रियं बुद्धिमतां वरिष्ठं

वातात्मजं वानरयूथमुख्यं श्रीरामदूतं शरणं प्रपद्ये॥

महाबलाय वीराय चिरंजीविन उद्दते

हारिणे वज्रदेहाय चोलंघितमहाव्यये॥

ॐ ह्रां ह्रीं ह्रं ह्रैं ह्रौं ह्रः हं

हनुमते रुद्रात्मकाय हुं फट्॥

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)