Hair Falls Treatment : केसगळती, विरळ केसांसाठी सगळं ट्राय करुन झाले? आयुर्वेदातील रामबाण उपाय करून पाहाच; केस होतील घनदाट

Hair Care Tips :

केसांमुळे आपल्या चेहऱ्याला छान लूक येतो. यामुळे आपले व्यक्तिमत्त्व अधिक खुलून दिसते. केस आपल्या चेहऱ्यासाठी महत्त्वाची भूमिका बजावतात. मात्र केसांची निगा व्यवस्थित रित्या राखली नाही तर अनेक समस्यांना सामोरे जावे लागते.

अकाली केस पिकणे, केस कोरडे होणे, केसात कोंडा होणे, केस गळती यांसारख्या समस्यांना सामोरे जावे लागते. के गळती थांबवण्यासाठी आपण अनेक महागड्या उत्पादनांचा वापर करतो. त्यामुळे केसांची हानी होते. केसांची वाढही खुंटते. परंतु, आम्ही तुम्हाला आयुर्वेदातील असा रामबाण उपाय सांगणार आहोत. ज्यामुळे तुमचे केस घनदाट होतील, जाणून घेऊया त्याबद्दल  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. केस पातळ का होतात?

केस (Hair) पातळ होण्याची दोन कारणे आहेत. पहिला म्हणजे एंड्रोजेनेटिक एलोपेशिया आणि दुसरा टेलोजन इफ्लुव्हियम. आपल्या केसांमध्ये हेअर फॉलिक्स असतात. या हेअर फॉलिक्समुळे नवीन केस तयार होतात. पण कधी कधी हे फॉलिक्स अधिक लहान होतात. ज्यामुळे नवीन केस तयार होणे थांबले जाते. ज्यामुळे केस पातळ आणि गळू लागतात.

2. केसगळती थांबवण्यासाठी उपाय

1. आहार

केसगळती थांबवण्यासाठी सगळ्यात महत्त्वाचा आहे पौष्टिक आहार घेणे. नियमितपणे आहारात व्हिटॅमिन (Vitamin) ए, सी, ई, आयन, झिंक आणि इतर पोषक घटकांचा आहारात समावेश करा. यामुळे तुमची केसगळती थांबेल.

2. भृंगराज

भृंगराज ही औषधी वनस्पती असून केसांच्या समस्यावर बहुगुणी ठरते. केस तुटत असतील किंवा अकाली पिकत असतील तर पोषण देण्यासाठी पुरवठा करते. या तेलाने (Oil) मसाज केल्यास रक्ताभिसरण सुरळीत होते.

3. आवळा

केस चमकदार आणि मजबूत करण्यासाठी आवळा हा अतिशय गुणकारी समजला जातो. नियमितपणे केसांना ऑलिव्ह ऑईल, खोबऱ्याचे तेल आणि आवळ्याचे तेल लावल्यास केस तुटणे, गळणे आणि पातळ होण्याच्या समस्येपासून सुटका होऊ शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा