Parenting Tips : मुलं सतत रागराग-चिडचिड करतात? पालकांनो, या टिप्स फॉलो करा; मूड राहिल नेहमी आनंदी

Good Parenting Tips :

वाढत्या वयात मुलांना अधिक गोष्टी समजू लागतात. चांगल्या वाईट गोष्टींचा त्यांचा शारीरिक आणि मानसिकतेवर परिणाम होतो. तसेच कामाच्या व्यस्त जीवनशैलीमुळे पालकांना मुलांसोबत अधिक वेळ घालवता येत नाही.

किशोर वयात मुले आल्यानंतर त्यांना अधिक प्रश्न पडतात. त्यांचे वागणे-बोलणे बदलते. त्यामुळे पालकांना काही गोष्टींची काळजी घेणे गरजेचे आहे. कोणतीही गोष्ट त्यांच्यावर लगेच प्रभावी होते. बरेचदा मुलांच्या वागण्यामुळे पालक (Parents) त्यांच्यावर रागवतात. त्यामुळे मुलं (Child) चुकीचे पाऊल उचलतात. वाढत्या वयात मुलांचा राग, चिडचिडपणा कसा हॅण्डल कराल जाणून घेऊया.

मुलांना शिस्त लावणे गरजेचे आहे. वाढत्या वयात मुलांना योग्य वळण लावल्यास ते मोठे झाल्यावर चुकणार नाही. ते कशाप्रकारे वागायचे, काय खायचे आणि कसे बोलायचे हे शिकवा.

मुलांच्या चुकीसाठी पालक नेहमीच त्यांना ओरडतात परंतु, बरेचदा पालकांची चुकी असताना ते ती स्वीकारत नाही. अशावेळी पालकांनी देखील मुलांची माफी मागायला हवी. यातून मुलांना चांगले शिकायला मिळते.

कामाच्या व्यस्त जीवनशैलीमुळे पालकांना मुलांसाठी वेळ मिळत नाही. त्यामुळे अनेकदा मुलांना पालकांचे प्रेम हवे असते. ते मिळाले नाही की, ते चिडचिड रागराग करतात. अशावेळी मुलांशी बोलण्यासाठी वेळ काढा, त्यांना तुमचे प्रेम (Love) द्या. यामुळे तुमचं नातं अधिक घट्ट होईल.

प्रत्येक पालकांना असे वाटते की, आपल्या मुलाने यशस्वी व्हावे. अशावेळी त्यांना योग्य दिशा दाखवणे गरजेचे आहे. त्यांना सतत ओरडण्यापेक्षा प्रेमाने समजवा. ज्यामुळे मुलांचा मूड बदलेल.