Gold Silver Price Today 20th October 2022: सणासुदीच्या काळात सोनं (Gold) खरेदीकडे नागरिकांचा कल जास्त असतो. दिवाळीतही सोनं खरेदी करणं शुभ मानलं जातं. तसेच लग्नसराईचा मौसम सुरु झाल्याने देखील सोनं खरेदीत वाढ होत आहे. तुम्ही देखील सोनं खरेदी करण्याचा विचार करत असाल तर तुम्हाला आज काही जास्त पैसे मोजावे लागणार नाही.
कारण सोन्याच्या दरात आज किंचीत वाढ झाली आहे. सोन्याच्या किमतीत सातत्याने घट झाल्यानंतर आज सोन्याचे भाव वाढले आहेत. तर चांदीचा (Silver) भाव कालच्या तुलनेत स्थिर आहे. मात्र धनयत्रोदशीच्या दिवशी सोन्याचे भाव वाढण्याची शक्यता आहे. त्यामुळे तुम्ही जर आजच सोनं किंवा चांदी खरेदी करण्याचा विचार करत असाल तर आजचे दर नक्की जाणून घ्यायला हवेत.
आज आठवड्याच्या चौथ्या दिवशी म्हणजे गुरुवारी 10 ग्रॅम सोन्याचा दर 11 रुपयांनी महागून 50,247 रुपयांवर पोहोचला. सोन्याचा भाव अजूनही उच्चांकाच्या खाली ६,००० रुपयांवर आहे. त्याचवेळी 22 कॅरेट सोने, ज्यामध्ये बहुतेक दागिने बनवले जातात ते 46,026 रुपये प्रति 10 ग्रॅमवर आले आहेत. तरीही किंमतीत फारशी वाढ झालेली नाही, त्यामुळे सोन्याचे दागिने खरेदी करण्याचा विचार करणाऱ्या ग्राहकांना ही चांगली संधी आहे.
धनत्रयोदशी आणि दिवाळीला सोने खरेदी करणे आणि गुंतवणूक करणे लोक शुभ मानतात. चांदणी चौक ज्वेलर्स असोसिएशनचे प्रमुख योगेश सिंघल यांनी सांगितले की, या सणांच्या दिवशी ज्वेलरी मार्केटमध्ये सोन्या-चांदीच्या नाण्यांना मागणी वाढते. मागणी वाढवण्यासाठी ज्वेलर्स ग्राहकांना ऑफरही देत आहेत. ते म्हणाले की, ज्वेलर्स मेकिंग चार्जेसमध्ये 10 ते 15 टक्के सूट देत आहेत.
सोन्याची शुद्धता तपासायची असेल, तर त्यासाठी सरकारने एक अॅप बनवले आहे. बीआयएस केअर (BIS Care) अॅपद्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धता तपासू शकत नाही, तर त्याच्याशी संबंधित कोणतीही तक्रारही करू शकता. हे अॅप आपल्याला प्रत्येक प्रकारे मदत करते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.