Stress Therapy : 'या' आर्ट थेरपीने चिंतामुक्त व्हा!

Stress Therapy : तणाव आणि चिंता आजच्या जीवनाचा एक भाग बनले आहेत. यावर मात करण्यासाठी जगभरातील लोक विविध उपाय करत आहेत. यापैकी एक पद्धत म्हणजे मंडला आर्ट थेरपी. होय, कलेच्या मदतीने तुम्ही तुमचं मानसिक आरोग्य (Health) सुधारू शकता, तसंच स्वत:ला दीर्घकाळ शांतही ठेवू शकता.

मंडला थेरपी ही एक सोपी कला आहे जी कोणीही प्रयत्न करू शकते आणि आपल्याला त्यासाठी कलाकार होण्याची देखील आवश्यकता नाही. काही मूलभूत गोष्टी शिकून तुम्ही या कलेच्या मदतीने मन शांत करू शकता. चला तर मग जाणून घेऊया मंडला थेरपीबद्दल. (Stress)

काय आहे मंडला आर्ट -

मंडला हा शब्द संस्कृतपासून तयार झाला आहे ज्याचा अर्थ चक्र असा आहे. ही एक रचना किंवा नमुना आहे ज्याचा इतिहास बौद्ध धर्म आणि हिंदू धर्माच्या अध्यात्माशी संबंधित आहे. मंडलाची रचना प्रत्यक्षात विश्वाचे प्रतिबिंबित करते आणि विश्वात असलेल्या संतुलनास चिन्हांकित करते. ज्याप्रमाणे विश्व सर्व वस्तू स्वतःमध्ये घेते, त्याचप्रमाणे मंडलातील रेषा केंद्रस्थानी असल्याचे दिसते.

मंडला आर्ट थेरेपी -

हेल्थशॉट्सच्या मते, ड्रेक्सेल युनिव्हर्सिटीच्या अभ्यासानुसार असे आढळले आहे की तणाव आणि चिंता दूर करण्यासाठी मंडला आर्ट खूप उपयुक्त आहे. जेव्हा तुम्ही मंडलकला बनवत असता, तेव्हा त्यातील बारकावे यामुळे संपूर्ण लक्ष कलेवर असते आणि यामुळे कॉर्टिसॉल हार्मोनची पातळी कमी होते, ज्यामुळे तणाव कमी होतो.

मंडला आर्ट थेरपीचे फायदे -

जर तुम्ही खूपतणावाखाली असाल आणि यामुळे तुमच्या सर्व कामावर परिणाम होत असेल तर तुम्ही मंडला आर्ट थेरपीची मदत घेऊ शकता. या कलेसाठी रोज काही मिनिटं काढली तर फरक जाणवेल. चिंतेची समस्याही ह्याने दूर होऊ शकते .

जर तुम्हालारोज रात्री तणावामुळे झोप येत नसेल तर झोपायच्या काही वेळ आधी एक मंडल कला तयार करा. आपण ते आपल्या आवडीच्या भौमितिक आकारात बनवू शकता. यामुळे तुम्हाला बरे वाटेल आणि तुमच्या झोपेच्या समस्याही दूर होतील.

जर तुम्हालासतत अस्वस्थ वाटत असेल किंवा तुम्ही सतत नकारात्मक विचार करत असाल, तर तुम्ही मंडला आर्ट थेरपीची मदत घेतली पाहिजे. याच्या सरावाने तुमचे मन शांत होण्यास मदत होईल.

संशोधनात असे आढळून आले आहेकी, जर आपण नियमितपणे याचा सराव केला तर आपली रोगप्रतिकारशक्ती वाढविणे, रक्तदाब नियंत्रित करणे, झोप सुधारणे यासाठी हे प्रभावी आहे, ज्यामुळे बर्याच आजारांची शक्यता दूर होऊ शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.