Post Diwali Care: दिवाळीनंतर खूप थकवा अन् चेहरा डल दिसतोय? मग हे सोपे उपाय ठरतील बेस्ट

दिवाळीचे काही दिवस म्हणजे प्रचंड गडबडीचे असतात. फॅमिलीसोबत वेळ घालवणे, फराळ, फटाके, रात्री उशिरापर्यंत चालणाऱ्या पार्ट्या आणि गप्पांची धमाल सुरु असते. पण या सगळ्यानंतर शरीर आणि त्वचा दोन्ही थकून जातात. डोळ्यांखाली काळी वर्तुळे, स्कीन डलनेस आणि थकलेली भावना जाणवू लागते. पण काळजी करू नका, तुमचा ग्लो पुन्हा आणणे अजिबात अवघड नाही. काही सोपे आणि नैसर्गिक उपाय केल्यास काही दिवसांतच तुम्ही पुन्हा ताजेतवाने आणि उत्साही दिसू शकता.

पुरेसे पाणी प्या

दिवाळीनंतर मिठाई आणि फराळामुळे शरीरात साखर आणि मिठाचे प्रमाण वाढते. यामुळे त्वचा फुगलेली आणि कोरडी दिसते. दररोज सकाळी कोमट पाण्यात लिंबाचा किंवा काकडीचा तुकडा घालून प्या. दिवसाला किमान २ ते ३ लिटर पाणी, हर्बल टी, नारळपाणी किंवा तुळशी-मिंट असलेले डिटॉक्स ड्रिंक घ्या. यामुळे त्वचेला आणि शरीराला आवश्यक ओलावा परत मिळतो.

त्वचेला साखरेपासून सुट्टी द्या

दिवाळीच्या गोडधोडानंतर काही दिवस साखर टाळा. रिफाइन्ड साखर त्वचेवर सुरकुत्या येऊ शकतात आणि इन्फ्लेमेशन वाढवते. साखरेऐवजी फळे, खजूर किंवा मधाचा वापर करा. काही दिवसांतच त्वचेतील तजेला आणि मऊपणा परत येतो.

त्वचेला श्वास घेऊ द्या

दिवाळीमध्ये मेकअप, धूळ, प्रदूषण आणि जागरणामुळे त्वचेचे छिद्र बंद होतात. काही दिवस मेकअप टाळा आणि सौम्य फेस वॉशने चेहरा धुवा. आठवड्यातून दोनदा हलका एक्सफोलिएटर वापरा. त्यानंतर अ‍ॅलोव्हेरा जेल किंवा हायड्रेटिंग शीट मास्क लावा. रात्री हलक्या सिरम किंवा फेस ऑइलने मसाज करा.

योग्य झोप घ्या

रात्री उशिरापर्यंत चालणाऱ्या गाठीभेटीनंतर आता शरीराला विश्रांती द्या. एक आठवडा तरी लवकर झोपण्याची सवय लावा. झोपण्यापूर्वी मोबाईल बाजूला ठेवा, दिवे मंद करा आणि मन शांत ठेवा. पुरेशी झोप घेतल्याने डोळ्यांचा तेज वाढतो, त्वचा उजळते आणि मन प्रसन्न राहते.

थोडी हालचाल करा

दिवाळीचे गोडधोड आता व्यायामाने संतुलित करा. सकाळी जलद चालणे, योगा किंवा थोडं स्ट्रेचिंग शरीरातील रक्तप्रवाह वाढवते आणि टॉक्सिन्स बाहेर टाकते. नियमित हालचालीमुळे केवळ शरीर तंदुरुस्त राहत नाही तर त्वचेलाही नैसर्गिक तजेला मिळतो. सणानंतरची थकवा कमी करण्यासाठी हे काही छोटे बदल पुरेसे आहेत.