Dark Forehead Home Remedies: चेहरा गोरा पण कपाळावर टॅनिंग जास्त ? जाणून घ्या कारणं व सोपे उपाय

Skin Care Tips : उन्हाळ्यात तुमच्या कपाळावर हायपरपिग्मेंटेशनची समस्या वाढते. याचे सर्वात मोठे कारण म्हणजे या ऋतूत आपण कडक सूर्यप्रकाशाच्या संपर्कात येतो किंवा वारंवार घाम पुसतो. ज्या लोकांना मधुमेहाची समस्या असते, त्यांच्या कपाळाचा रंगही गडद होण्याची शक्यता असते.

कपाळाचा गडद रंग हलका करण्यासाठी तुम्ही अनेक नैसर्गिक उपाय करू शकता ज्यामुळे कपाळाचा काळेपणा कमी होऊ शकतो. त्याआधी हे लक्षात ठेवणे फार महत्वाचे आहे की हे उपाय त्वरित परिणाम दर्शवत नाहीत परंतु हळूहळू दिसू शकतात. त्यामुळे येथे आम्ही तुम्हाला कपाळावरील काळेपणा दूर करण्यासाठी काही नैसर्गिक घरगुती उपाय (Home Remedies) सांगणार आहोत.

कपाळाचा काळेपणा दूर करण्याचे उपाय

1. लिंबाचा रस

लिंबाच्या रसामध्ये नैसर्गिक ब्लीचिंग एजंटचे गुणधर्म असतात ज्यामुळे तुमची त्वचा उजळते. ते वापरण्यासाठी, तुम्हाला फक्त एक ताजे लिंबू पिळून त्याचा रस काढावा लागेल. यानंतर ते तुमच्या कपाळावर लावा आणि 15 ते 20 मिनिटे राहू द्या. नंतर कोमट पाण्याने (Water) चेहरा स्वच्छ करा.

2. कोरफड

कोरफडमध्ये त्वचा (Skin) उजळण्याचे गुणधर्म आहेत, ज्यामुळे कपाळावरील काळे डाग कमी होण्यास मदत होते. तुम्हाला फक्त तुमच्या कपाळावर ताजे कोरफड जेल लावायचे आहे आणि 20 मिनिटांनी पाण्याने धुवावे लागेल.

3. टोमॅटोचा रस

टोमॅटोच्या रसामध्ये नैसर्गिक ऍसिड असतात जे त्वचा उजळण्यास मदत करतात. आपल्या कपाळावर टोमॅटोचा रस लावा आणि 1 मिनिट सोडा, नंतर पाण्याने धुवा

4. हळद

हळद ही नैसर्गिक त्वचा उजळणारी म्हणून ओळखली जाते. याच्या वापराने तुमच्या कपाळावरील काळेपणा दूर होऊ शकतो. तुम्हाला फक्त एक चमचा दुधात चिमूटभर हळद मिसळायची आहे. यानंतर थोडावेळ असेच कोरडे राहू द्या आणि २० मिनिटांनी कोमट पाण्याने चेहरा धुवा.

5. बटाट्याचा रस

बटाट्यामध्ये नैसर्गिक ब्लीच एजंटचे गुणधर्म असतात जे त्वचेला हलके करण्यास मदत करतात. कच्चा बटाटा किसून त्याचा रस काढा. त्यानंतर हा रस तुमच्या कपाळावर वर्तुळाकार गतीने लावा, 2 मिनिटे मसाज करा आणि 1 मिनिटानंतर चेहरा स्वच्छ करा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.