Ashadhi Ekadashi 2023: आषाढी एकादशीच्या दिवशी चुकूनही करु नका या चुका, अन्यथा आयुष्यभर सापडाल संकटात

Do's and Don'ts on Ashadhi Ekadashi: आषाढ महिन्यातील शुक्ल पक्षातील एकादशी तिथी ही देवशयनी एकादशी म्हणून ओळखली जाते. या दिवशी भगवान विष्णूची पूजा केली जाते. देवशयनी एकादशी नंतर भगवान निद्रावस्तेत जातात.

आषाढी एकादशीनंतर चातुर्मास सुरु होतो. या वर्षी देवशयनी एकादशी 29 जून 2023 रोजी साजरी केली जाईल. एकादशीला भगवान विष्णूची पूजा करण्यासोबतच अनेक गोष्टींची विशेष काळजी घेतली पाहिजे. या दिवशी अनेक कामे करण्यास मनाई आहे. आज आम्ही तुम्हाला देवशयनी एकादशीचे व्रत करायचे असल्यास कोणत्या गोष्टी टाळायला हव्या हे जाणून घेऊया.

1. या चुका करु नका

• या दिवशी मासांहर करु नये तसेच कांदा लसूण व नशेपासून दूर राहावे.

• एकादशीला (Ashadhi Ekadashi) भात खाणे वर्ज्य मानले जाते. पोहे, पुलाव यापासून बनवलेल्या वस्तू या दिवशी खाऊ नयेत. उपवास (Upvas) न ठेवणाऱ्यांनीही भात खाणे टाळावे.

• देवशयनी एकादशीला ब्रह्मचर्य पाळावे. या दिवशी भगवंताच्या भक्तीत तल्लीन होऊन मंत्रांचा जप करावा.

• देवशयनी एकादशीला कोणाच्याही मनात वाईट विचार आणू नयेत. या दिवशी कोणाविषयी वाईट बोलू नये.

• तुळशीला (Tulsi) जल अर्पण करू नये. एकादशीच्या दिवशी तुळशीला पाणी अर्पण करू नये. या दिवशी तुळशीची पानेही तोडू नयेत. तुळशीच्या रोपामध्ये माता लक्ष्मी वास करते असे मानले जाते.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.