सांधेदुखी हा आजच्या काळातील सर्वात सामान्य आरोग्यविषयक समस्या मानली जातेय. वाढतं वय, बसून राहण्याची सवय, लठ्ठपणा, थंड हवामान, अपुरी झोप किंवा पोषणातील कमतरता अशा अनेक कारणांमुळे वेदना उद्भवतात. सांधेदुखीबद्दल समाजात अनेक चुकीच्या समजुती आढळून येतात.
सांधेदुखीमुळे या गैरसमजूती वेळीच दूर केल्यास उपचारांना होणारा विलंब टाळता येतो. त्यामुळे या गैरसमजूतींपासून दूर राहणं आणि त्यामागची खरी वास्तविकता जाणून घेणं गरजेचं आहे.
नवी मुंबईतील ऑर्थोपेडिक सर्जन डॉ. डॉ. अभय छलानी यांनी सांगितलं की, सांधेदुखी ही खूप सामान्य आरोग्य समस्या आहे आणि ती संधिवात, सांध्यांचा अतिवापर, दुखापती, वृद्धत्व किंवा थंड हवामानामुळे उद्भवतं ज्यामुळे स्नायू आणि सांध्यामध्ये कडकपणा येतो. इतर कारणं जसं की सूज येणं, जीवनसत्त्वांची कमतरता किंवा लठ्ठपणा ज्यामुळे सांध्यावर दाब येतो आणि वेळीच उपचार न केल्यास, सांधेदुखीमुळे हालचाल कमी होणं, सूज येणं, स्नायुंचा कडकपणा आणि सांध्याचा झीज होऊ शकते. सांधेदुखीशी संबंधित अनेक गैरसमज आहेत.
सांधेदुखीशी संबंधित गैरसमजूती कोणत्या
गैरसमज - सांधेदुखीच्या व्यवस्थापनात शस्त्रक्रिया आवश्यक आहे
वास्तविकता : विश्रांती घेणं, फिजिओथेरपी करणं, ठराविक औषधं किंवा जीवनशैलीतील बदलांनी सांधेदुखी कमी होते. जर वेदना कमी होत नसतील तर शस्त्रक्रिया हा शेवटचा पर्याय ठरतो. वेदनांच्या तीव्रतेनुसार उपचार करणारा डॉक्टर तुमच्यासाठी काय योग्य आहे ते ठरवतो. म्हणून घाबरून जाऊ नका.
गैरसमज - सांधेदुखी ही केवळ वयोवृद्धांमधील समस्या आहे
वास्तविकता : जरी सांधेदुखी ही विशेषतः वयोवृद्ध लोकांमध्ये दिसून येत असली तरी सध्या, तरुणांनाही चुकीच्या शारीरीक स्थितीमुळे, खेळाच्या दुखापतीमुळे किंवा बैठ्या जीवनशैलीमुळे सांधेदुखी होऊ शकते. वेळीच ऑर्थोपेडिक तज्ज्ञांचा सल्ला घेणं गरजेचं आहे. ते तुम्हाला सांधेदुखीच्या व्यवस्थापनात मदत करतील.
गैरसमज - व्यायामामुळे सांधेदुखी आणखी तीव्र होते
वास्तविकता : तज्ञांनी सांगितल्याप्रमाणे हलक्या हालचाली आणि स्नायु बळकटीकरणाच्या व्यायामाने सांध्यांचे आरोग्य सुधारण्यास मदत होणार आहे. जास्त श्रम किंवा चुकीच्या शारीरीक स्थितीमुळे सांध्यांसंबंधी समस्या निर्माण होतात. तज्ञांच्या मार्गदर्शनाखाली व्यायाम करणे योग्य राहिल. सांधेदुखी कमी करण्यासाठी आणि स्नायुंची हालचाल टिकवून ठेवण्यासाठी डॉक्टरांच्या सल्ल्यानुसार फिजिओथेरपी करा.
गैरसमज : सांधेदुखीच्या व्यवस्थापनात वेदनाशामक औषधांचा समावेश करा
वास्तविकता : डॉक्टरांनी सांगितल्याप्रमाणे वेदनाशामक औषधं ही तात्पुरता आराम देतात. दीर्घकालीन व्यवस्थापनासाठी तज्ज्ञांच्या सल्ल्याने थेरपी, व्यायामाद्वारे मूळ कारणांवर लक्ष केंद्रीत करणे आवश्यक आहे. ऑर्थोपेडिक डॅाक्टरांना भेटून तुमच्यासाठी योग्य उपचार योजना आखा. स्वतःच्या मर्जीने कोणतीही औषधं घेणे टाळा.
गैरसमज - घरगुती उपचारांमुळे सांधेदुखी कमी होण्यास मदत होते
वास्तविकता : बरेच लोक आलं, हळद आणि ग्रीन टी यासारखे घरगुती उपचार घेण्याचा विचार करतात, जे योग्य नाहीत. सांधेदुखीचा सामना करण्यासाठी लोक स्वतःहून पूरक आहार घेतात. लोकांनी केवळ डॉक्टरांच्या सल्ल्याचे पालन करावे. सोशल मीडियावर प्रसिद्ध होणाऱ्या कोणत्याही गोष्टीवर विश्वास ठेवू नका. घरगुती उपचारांमुळे अस्वस्थता कमी होऊ शकते. सांधेदुखीचे मूळ कारण जाणून घेण्यासाठी डॉक्टरांचा सल्ला घा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.