आजचा दिवस अत्यंत शुभ मानला जातोय. याचं कारण म्हणजे आज श्रावण महिन्यातील पहिला बुधवार आहे. श्रावण म्हणजे शिवभक्तांसाठी अत्यंत पवित्र महिना आणि बुधवार हा गणपतीचा दिवस असतो. या दोन्ही संयोगामुळे आजचा दिवस विशेष भक्तांसाठी फार शुभ मानला जातो. त्यामुळे आजच्या दिवशी भगवान शंकर आणि त्यांच्या सुपुत्र गणपतीची एकत्र पूजा केल्यास पित्याचा आणि पुत्राचा आशीर्वाद मिळतो.
हिंदू धर्मानुसार बुधवार हा गणेशाच्या उपासनेसाठी समर्पित असतो आणि श्रावण महिना शिवपूजेसाठी अत्यंत शुभ असतो. त्यामुळे या दिवशी विशिष्ट पूजा आणि उपाय केल्यास जीवनातील विघ्न दूर होतात आणि सुख, शांती, समृद्धीचा वास होतो.
श्रावण महिन्याचा प्रत्येक दिवसाला काहीतरी वेगळं आध्यात्मिक महत्त्व असतं. यातील पहिला बुधवार म्हणजेच गणेश पूजेचा खास दिवस आणि जेव्हा तो शिव पूजेच्या श्रावण महिन्यात येतो तेव्हा दोघांची एकत्र आराधना करणं फारच शुभ मानलं जातं. हे व्रत केल्याने शंकराचा आणि पुत्राचा गणपतीचा एकत्र कृपाशिर्वाद लाभतो.
श्रावणाच्या या विशेष बुधवारी लवकर उठून स्नान करा आणि स्वच्छ, पवित्र वस्त्र धारण करा. मनात श्रद्धा ठेवून पूजेचा संकल्प घ्या.
गणपती आणि शिवशंकर यांच्या मूर्ती गंगाजलाने शुद्ध करा. शक्य असल्यास तांब्याच्या पाण्यात गंगाजल मिसळा.
सर्वप्रथम गणपतीची पूजा करा. त्यांना दूर्वा, मोदक, फळं आणि पुष्प अर्पण करा. गणपतीला प्रथम पूज्य मानलं जातं. त्यामुळे ही पूजा पहिल्यांदा करणं आवश्यक असतं.
घरी पारद शिवलिंग किंवा अन्य शिवलिंग असल्यास त्याचा अभिषेक करा. जल, दूध, दही, तूप, मध आणि साखर याने रुद्राभिषेक करा. यानंतर चंदन, अक्षता, फुलं, धूप, दीप, नैवेद्य अर्पण करा.
गणपतीसाठी “ॐ गं गणपतये नमः” आणि भगवान शंकरसाठी “ॐ नमः शिवाय” या मंत्रांचा जप करा. प्रत्येक मंत्र कमीतकमी ११ वेळा म्हणा. हे मंत्र पिता-पुत्राच्या कृपेसाठी अत्यंत प्रभावी मानले जातात.
सर्व पूजा झाल्यानंतर प्रथम गणपतीची आरती करा आणि त्यानंतर शंकराची आरती करा. दोघांची आरती केल्याने पूजन पूर्ण मानलं जातं.
श्रावण महिन्यातील बुधवार फक्त पूजा-विधीच नव्हे तर काही खास उपायांसाठी देखील शुभ मानला जातो. हे उपाय श्रद्धेने आणि नियमाने केल्यास जीवनातील संकटं दूर होतात आणि नकारात्मकतेवर मात करता येते.
या दिवशी गरजू लोकांना अन्न, वस्त्र किंवा पैशाचे दान अवश्य करा. बुध ग्रह दानाने प्रसन्न होतो आणि शुभ फळ देतो.
श्रावणातील प्रत्येक बुधवारला शक्य असेल तितके हे उपाय आणि पूजन पद्धती आचरणात आणा. सातत्य ठेवल्यास या महिन्याचा संपूर्ण लाभ मिळू शकतो.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.