Motichoor Ladoo Recipe : घरच्या घरी बनवा मोतीचूरचा लाडू, यंदाचा दिवाळीला ट्राय करा; पाहा रेसिपी

Diwali Special 2023 :

दिवाळीला सुरूवात झाली आहे. घराघरात फराळ बनवून झाला आहे. घरात पाहुणे यायला सुरूवात असून कंदील, दिव्यांनी घर सजले आहे. घरात पाहुणे येणार म्हटल्यावर मिठाई आणली जाते.

दिवाळीत (Diwali) मिठाईच्या दुकानात अधिकतर पाहायला मिळतो तो मोतीचूरचा लाडू. अगदी कमी पैशांत मिळणारी मिठाई म्हटंल तर वावग ठरणार नाही. जर तुम्ही देखील घरच्या घरी मोतीचूरचा लाडू ट्राय करणार असाल तर ही रेसिपी नक्की ट्राय करा. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

1. साहित्य

• १ किलो बेसन बुंदी

• साखर (Sugar)

• तूप

• वेलची पावडर

• काजूचे तुकडे

• मगज बी

• मीठ आवश्यकतेनुसार

2. कृती

• सर्वप्रथम बुंदी बनवण्यासाठी बेसन पीठ भिजवून घ्यावे. त्यात आवश्यकतेनुसार मीठ टाका. त्यानंतर ती बुंदी बारीक झाऱ्याने पाडून घ्यावी.

• बुंदी बनवण्यासाठी सर्वात आधी पाक तयार करावा लागतो. त्यासाठी एक किलो साखर घ्यावी. साखर विरघळेल एवढ्या पाण्यात मध्यम आचेवर उकळून घ्यावे.

• साखर विरघळेपर्यंत साखरेचा पाक सतत हलवत राहावा. पाक एकतारी व्हावा यासाठी सतत हलवत राहावे. त्यानंतर गॅस (Gas) बंद करावा. त्यात वेलची पावडर घालावी. त्याचसोबत केशर घालावे.

• पाक थंड झाला की त्यात तयार झालेली बुंदी घालावी आणि हलवून घ्यावी. वर खाली बुंदी हलव्यास ती छान मुरते. त्यानंतर बुंदी अर्धा तास झाकून ठेवावी. त्यानंतर लाडू वळण्यास सुरूवात करावे.

• लाडू वळताना त्याला मगज बी आणि काजू लावावेत. त्यानंतर सजावटीसाठी चांदीचा वर्ख लावला तरी चालेल.