Chanakya Niti For Peace Of Mind : आयुष्यात दु:खी असणाऱ्या लोकांच्या मन:शांतीसाठी चाणक्यांनी दिले तीन सल्ले, वाचा सविस्तर

Chanakya Niti : आचार्य चाणक्य यांची धोरणे आणि विचार बहुतेक लोकांना कठोर आणि कठिण वाटतात, परंतु त्यांचे शब्द जीवनाचे खरे सत्य आहेत. त्यांनी सांगितलेल्या गोष्टी आजही लोकांना मार्गदर्शन करतात.

आचार्य चाणक्यांनी प्रगतीसाठी अनेक रहस्ये सांगितली आहेत, ज्यांनी ती जाणून घेतली, त्यांनी त्याची दखल घेतली, अपयश त्यांना वाटेलाही येणार नाही. आचार्य चाणक्यांनी (Aacharya Chanakya) आपल्या नीतीमध्ये सांगितले आहे की, दुःखी लोकांना तीन गोष्टींनीच शांती मिळते. चला जाणून घेऊया कोणत्या गोष्टींमुळे दुःखी लोकांना शांती मिळते.

दुःखी लोकांना या गोष्टींमधून शांती मिळते

आचार्य चाणक्य यांच्या मते, जी गाय दूध देत नाही आणि गर्भधारणा करत नाही, तिच्यापासून कोणताही फायदा होत नाही. तसेच मुलगा जर विद्वान असेल आणि आई-वडिलांची सेवा करत नसेल तर त्याच्यापासून काही फायदा (Benefits) होऊ शकत नाही. चाणक्याच्या मते, एक योग्य मुलगा जिवंत असताना आपल्या आई-वडिलांना स्वर्गाचे सुख देऊ शकतो. म्हणूनच मुलाच्या शिक्षणाकडे आणि वागण्याकडे विशेष लक्ष देण्याची गरज आहे.

आचार्य चाणक्य म्हणतात की, सुखी जीवनात स्त्रीची पवित्रता महत्त्वाची भूमिका बजावते. सद्गुणी स्त्रीच्या कार्यामुळे घरात कोणतीही कमतरता नसते. चाणक्य नीतीनुसार, एक सद्गुणी स्त्री प्रत्येक कठीण क्षणाला तोंड देऊन आपल्या कुटुंबाला वाचवण्याचा प्रयत्न करते.

त्याचप्रमाणे सज्जनांच्या संगतीने मनुष्याचे भले निश्चित होते. चाणक्य म्हणतात की अशा लोकांचा (People) नेहमी सहवास ठेवा, ज्यांच्याकडून तुम्ही पुढे जाऊ शकता. चाणक्य धोरणानुसार वाईट संगत असलेल्या लोकांपासून अंतर राखणे आवश्यक आहे. अशा लोकांच्या सहवासात राहिल्याने माणसाचा नाश होतो.