Bullet Coffee : कॉफीशिवाय दिवसाची सुरूवात होत नाही. काम करताना अधिक कंटाळा आला किंवा झोप आल्यानंतर आपण कॉफीचे सेवन करतो.
हे देखील पहा -
बरेच लोक कॉफीला आपल्याला रोजच्या जीवनशैलीत अधिक प्रमाणात जोडतात. आपली आवडती कॉफी प्रत्येकाला प्यायला आवडते पण त्यात आपण तूप घातल्यास ती चांगली लागेल का? त्याची चव बदलेल का ? लट्टे, कॅपुचिनो, एस्प्रेसो या लोकांना आवडणाऱ्या कॉफीच्या विविध शैली आहेत. पण रकुल प्रीत सिंग आणि भूमी पेडनेकर यांसारख्या बॉलीवूड सेलिब्रिटींनी या, तूप कॉफीला एक स्पॉटलाइट मिळवून दिला आहे. जाणून घेऊया ती आपल्यासाठी चांगली आहे का?
तूप कॉफी म्हणजे काय?
कॉफी, तूप किंवा लोणी एकत्र करून तूप कॉफी तयार केली जाते ज्याला सामान्यतः बुलेटप्रूफ कॉफी किंवा फक्त बुलेट कॉफी म्हणतात. ही एक उबदार, मलईदार कॉफी आहे जी लट्टेसारखी दिसते. या बुलेटप्रूफ कॉफीमधील मुख्य घटकांमध्ये तुपातील निरोगी घटकांचा समावेश होतो. हे एक उष्मांक असलेले पेय आहे जे आपल्या शरीराला अधिक चालना देण्यासाठी महत्त्वाचे ठरले आहे.
या कॉफीला अनेकांनी पसंती दिली आहे. बुलेट कॉफी किंवा तूप कॉफीच्या प्रेमात अनेकजण पडत आहेत. या ट्रेंडने आहाराबद्दल जागरुक असलेल्या लोकांचे लक्ष वेधून घेतले आहे आणि ते आरोग्याच्या फायद्यांमुळे लोकप्रिय होत आहे.
तूप कॉफीचे आपल्या आरोग्यासाठी फायदे
१. सर्व प्रकारचे फॅट आपल्या आरोग्यासाठी (Health) वाईट नसते. परंतु, तूप ओमेगा ३, ६ आणि ९ सारख्या निरोगी फॅटने भरलेले आहे. हे चांगले फॅट आहेत जे चयापचय, हृदय व रक्तवाहिन्यासंबंधी प्रणाली, सांधे आणि मेंदूचे कार्य अधिक चांगले राखण्यास मदत करतात.
२. तूप अ, ई आणि के जीवनसत्त्वांनी भरलेले असते. त्यामुळे तूप कॉफी केवळ चवदारच नाही तर आरोग्यदायीही आहे.
३. तूपात भूक शमन करणारे घटक आहेत म्हणून ते आपल्या अनावश्यक अन्नाच्या लालसेमुळे ते अनावश्यक स्नॅक्स खाणे टाळण्यास देखील मदत करेल.
४. सकाळी रिकाम्या पोटी कॉफी प्यायल्याने आम्लपित्त होऊ शकते, परंतु आपल्या कॉफीमध्ये तूप मिसळणे हा त्यावरचा उत्तम पर्याय असू शकतो. त्यामध्ये असलेल्या फॅट्समुळे पचनसंस्था गुळगुळीत आणि सुलभ होऊ शकते.
५. कॉफी (Coffee) हे अधिक ऊर्जा वाढवणारे पेय म्हणून ओळखले जाते. पण कॉफीसोबत तूप खाल्ल्याने सुस्तीची भावना कमी होऊ शकते आणि आपला मूडही सुधारू शकतो.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Edited By - Komal Damudre
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
