Be Prepare To Study Abroad : करिअरची निवड करताना आपल्या वेळ व त्याला लागणारा पैसा नेहमीच लक्षाच घ्यावा लागतो. स्पर्धेच्या या युगात प्रत्येकाला चांगले शिक्षण मिळवून करिअरच्या शिखरावर पोहोचायचे असते आणि या चांगल्या शिक्षणासाठी मुलांसाठीच नाही तर पालकही परदेशात जाऊन शिक्षण घेण्यास प्राधान्य देतात.
एकीकडे श्रीमंत लोक आपल्या मुलांना परदेशी शिक्षण (Education) देण्यासाठी मागेपुढे पाहत नाहीत, तर दुसरीकडे मध्यमवर्गीय कुटुंबासाठी हे स्वप्नापेक्षा कमी नाही. शिक्षणासाठी परदेशात जाण्याचे स्वप्न एक अतिशय समृद्ध करणारा अनुभव आहे, ज्याचे शब्दात वर्णन करणे सोपे नाही.
1. परदेशात शिकण्याची योजना कशी करावी? तज्ज्ञांकडून समजून घ्या
परदेशात शिक्षण घेतल्याने अनेक आव्हाने येतात, विशेषत: जेव्हा पैशांचा (Money) प्रश्न येतो तेव्हा पालकांवरील जबाबदारीचे ओझे बरेच वाढते. म्हणूनच मुलांनी पालकांवरील (Partner) आर्थिक दबाव काही प्रमाणात कमी करण्याचा प्रयत्न केला पाहिजे, जेणेकरून बाहेर जाऊन अभ्यास करण्याची वेळ येईपर्यंत सर्वकाही सहजतेने करता येईल.
2. आर्थिक योजना आधीच तयार ठेवा
परदेशात अभ्यास करण्यासाठी खूप पैसा (Money) खर्च होऊ शकतो, म्हणून सर्व खर्चांची माहिती आधीपासून असणे आवश्यक आहे. विद्यार्थ्यांनी परदेशात शिकत असताना तेथील राहण्याचा खर्च, बजेट (Budget) आणि विद्यापीठांमध्ये आकारले जाणारे शुल्क याची संपूर्ण माहिती ठेवावी. चलन विनिमय दरांचे संशोधन करणे आणि त्यांची तुमच्या बजेटशी तुलना करणे देखील चांगली कल्पना आहे. प्रवास आणि व्हिजा संबंधित खर्चाकडेही दुर्लक्ष करू नये.
3. अर्धवेळ नोकरीला प्राधान्य द्या
परदेशी शिक्षण समुपदेशक अभिषेक बजाज यांच्या मते, परदेशात शिक्षण घेत असताना विद्यार्थ्यांच्या अतिरिक्त गरजा आणि खर्च भागवण्यासाठी अर्धवेळ नोकरी हा उत्तम पर्याय असू शकतो. यातून मिळणाऱ्या पगारामुळे विद्यार्थ्यांच्या दैनंदिन खर्चात तर भर होतेच शिवाय ट्यूशन फी भरण्यातही मोठी मदत होते. त्याचा सर्वात मोठा फायदा म्हणजे या उपायाचा अवलंब केल्याने, विद्यार्थी आपोआपच त्यांचा खर्च उत्तम प्रकारे व्यवस्थापित करायला शिकतात. नोकरीतून मिळालेल्या अनुभवामुळे विद्यार्थ्यांचा बायोडाटा सुधारतो. यामुळे अभ्यासानंतर चांगल्या नोकऱ्या मिळण्याची शक्यताही वाढते.
4. त्याच देशात नवीन बँक खाते उघडा
विद्यार्थ्यांनी शक्यतो सरकारी बँकेत ते शिकत असलेल्या देशातील कोणत्याही राष्ट्रीय बँकेत नवीन खाते उघडावे. परदेशी बँक खाते असणे अतिरिक्त चलन विनिमय शुल्काच्या अधीन असू शकते, जे कालांतराने वाढू शकते. अशा प्रकारे, त्याच देशात उघडलेले स्थानिक बँक खाते तुम्हाला अशा प्रकारचे कर आणि खर्च वाचविण्यास मदत करते. अनावश्यक खर्च टाळण्याव्यतिरिक्त, तुम्हाला स्थानिक चलनात सहज प्रवेश मिळेल.
5. शैक्षणिक कर्ज
परदेशात सहज शिक्षण पूर्ण करण्यासाठी शैक्षणिक कर्ज खूप उपयुक्त ठरू शकते. ट्यूशन फीचा भार ते तेथील राहण्याचा खर्च आणि शिक्षणाशी संबंधित इतर सर्व खर्च उचलण्यास मदत करते. भारतात अशा अनेक बँका आहेत ज्या विविध अटी आणि शर्तींनुसार परदेशात शिक्षणासाठी शैक्षणिक कर्ज देतात. त्यामुळे तुमच्या स्तरावर शोधत राहा, कोण तुम्हाला चांगल्या पर्यायासह शैक्षणिक कर्ज देऊ शकेल.
6. चांगल्या सोयीसाठी विद्यार्थी कार्ड मिळवा
परदेशात शिकत असताना, विद्यार्थी कार्ड मिळविण्यावर विशेष लक्ष दिले पाहिजे. स्टुडंट कार्डचा फायदा असा आहे की याद्वारे विद्यार्थ्यांना क्रीडा, ग्रंथालय, कॅम्पस प्रवेश आदी सुविधा सहज मिळतात. इतर सेवांचा लाभ घेण्याव्यतिरिक्त, विद्यार्थ्यांना विविध क्षेत्रांमध्ये आकर्षक सवलती देखील मिळतात, कारण अनेक व्यवसाय आणि सांस्कृतिक संस्था विद्यार्थी आयडीसह केलेल्या खरेदीसाठी विशेष सवलत देतात.
7. शिष्यवृत्ती आणि अनुदान योजना
परदेशात अभ्यास करण्यासाठी शिष्यवृत्ती आणि अनुदान किंवा संशोधन अनुदान याबद्दल माहिती गोळा करावी. अनेक देशांतील भारतीय वंशाच्या नागरिकांच्या संस्था, स्थानिक सरकारी विभाग आणि खाजगी संस्था इतर देशांतील विद्यार्थ्यांना शिष्यवृत्ती आणि अनुदानही देतात. ते मिळाले तर तुमच्या अभ्यासाची व्यवस्था आणि खर्च बराच कमी होऊ शकतो.
8. उपलब्ध संशोधन आणि माहिती वापरा
परदेशात शिकण्यास जाण्यापूर्वी तुमची आर्थिक स्थिती आणि खर्चाबाबत पूर्ण खात्री असणे आवश्यक आहे. तुम्ही इतर विद्यार्थ्यांशी बोलणे, परदेशी संस्थांच्या वेबसाइट्स, इतर परदेशी ठिकाणी शिकणारे लोक किंवा स्थानिक शाळा किंवा महाविद्यालये यासारख्या विविध स्त्रोतांकडून माहिती गोळा करावी. हे तुम्हाला योग्य माहिती देईल आणि योग्य निर्णय घेण्यास मदत करेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.