Post Diwali Skin Care: दिवाळीनंतर वाढत्या प्रदूषणामुळे त्वचेची घ्या अशा प्रकारे काळजी; फॉलो करा या टीप्स

दिवाळी हा सण यंदा 31 ऑक्टोबर 2024 रोजी साजरा करण्यात आला. लोकांनी तो मोठ्या उत्साहात साजरा केला. यावेळी लोकांनी घरांची साफसफाई करून, सजावट करून, दिवे लावून आणि फटाके फोडून हा सण साजरा केला. आजकाल बाजारात अनेक प्रकारचे फटाके उपलब्ध आहेत, ते जाळल्याने मोठ्या प्रमाणात धूर आणि वातावरणात प्रदूषण होते.

त्याने शहरांमधील वातावरण पूर्णपणे प्रदूषित झाले असून श्वसनाचा त्रास अनेकांना होऊ लागला. याने आपल्या आरोग्यावरच नव्हे तर त्वचेवरही विपरीत परिणाम व्हायला सुरुवात झाली . त्यामुळे त्वचेचा वरचा थर पूर्णपणे खराब होतो आणि त्वचेची छिद्रेही बंद होतात. दिवाळीनंतर त्वचेच्या आरोग्याकडे विशेष लक्ष देण्याची गरज आहे, अन्यथा ही समस्या दीर्घकाळ टिकू शकते, चला जाणून घेऊया त्वचेची काळजी कशी घ्यावी.

मेकअप करायचा की नाही?

दिवाळी असो किंवा इतर कोणताही सण, महिला सजण्याची संधी कधीच सोडत नाहीत. सणासुदीच्या काळात मेकअपचा वारंवार वापर केल्यास त्वचेचे संतुलन बिघडू शकते. वातावरण आधीच प्रदूषित आहे, त्यामुळे त्वचेवर मेकअप लावल्याने त्वचेचे आणखी नुकसान होऊ शकते. फक्त एक आठवडा तुम्ही त्वचा मॉइश्चरायझिंग करू शकता.

आहारात काही महत्वाच्या गोष्टींचा समावेश करा

दिवाळीतील फटाके आणि प्रदूषणामुळे मुक्त रॅडिकल्सचा प्रभाव वाढतो, ज्यामुळे ऑक्सिडेटिव्ह तणाव निर्माण होतो. त्यासाठी आपल्या त्वचेची काळजी घेण्याच्या दिनचर्यामध्ये अँटिऑक्सिडंट-समृद्ध पदार्थांचा समावेश करा. अँटिऑक्सिडंट्स केवळ त्वचेच्या दुरुस्तीला प्रोत्साहन देत नाहीत तर त्वचेचा रंग सुधारतात.

त्वेचेचा आणि झोपेचा काय संबंध?

सणासुदीच्या काळात आपल्याला नीट झोप येत नाही. या काळात लोक रात्री उशिरापर्यंत जागे राहतात आणि सकाळी लवकर उठून उत्सवाची तयारी करतात. अशा स्थितीत तुमच्या त्वचेला पुरेशी विश्रांती देण्यासाठी रोज रात्री ७ ते ८ तासांची झोप घ्या. जेव्हा आपण झोपतो तेव्हा आपली त्वचा पुन्हा कोलेजन तयार करते. सोप्या भाषेत, झोपेच्या वेळी तुमची त्वचा बरी होते.

स्वतःला हायड्रेटेड ठेवायला काय करायचे?

दिवाळीनंतर उष्ण तापमान आणि फटाक्यांमुळे होणारे प्रदूषण यामुळे त्वचा कोरडी पडते. याशिवाय वाढत्या प्रदूषणामुळे शरीरात विषारी पदार्थ वाढतात. जे त्वचेसाठी अजिबात चांगले नाही. अशा परिस्थितीत दररोज पुरेसे पाणी प्यायल्याने तुमच्या शरीरातील विषारी पदार्थ बाहेर टाकण्यास मदत होते. हे तुमचे रक्त निरोगी ठेवते. तसेच मुरुम आणि कोरडेपणा यांसारख्या त्वचेच्या समस्या कमी करण्यास मदत होते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.

Written By: Sakshi Jadhav