Vaishnavi Hagwane: क्रुर हगवणे फॅमिलीचे फोटो समोर; नणंद, पती अन्.. वैष्णवीला हालहाल करून मारलं

पुण्यातील वैष्णवी हगवणे प्रकरणानंतर पुण्यासह राज्याचंही वातावरण तापलं. हुंडा आणि सासरच्या मंडळींकडून होणाऱ्या जाचाला कंटाळून वैष्णवीने घरातच आत्महत्या केली. या प्रकरणात कस्पटे कुटुंबाने पोलिसांकडे धाव घेत हगवणे कुटुंबाविरोधात तक्रार दाखल केली.

सासू, सासरे, नवरा, दीर आणि नणंदेविरोधात गुन्हा करण्यात आला आहे. सासू, नणंद आणि नवरा पोलिसांच्या ताब्यात असून, सासरा आणि दीर फरार आहेत. या गुन्हेगारांचे फोटो आता समोर आले आहेत.

वैष्णवीच्या मृत्यूमागे नणंद करिष्मा हगवणे हिचा देखील सहभाग असल्याचं बोललं जात आहे. नणंदेनं देखील वैष्णवीचा छळ केला असल्याचा आरोप आहे. वैष्णवीला मारहाण करताना नणंद अंगावर थुंकली असल्याची देखील माहिती समोर आली आहे.

तर, सासूने वैष्णवीचा मानसिक आणि शारीरिक छळ केल्याचा आरोप आहे. सासूने हुंड्यासाठी वैष्णवीचा छळ करत तिला मारहाण केली होती.

वैष्णवीचे सासरे राजेंद्र हगवणे हे उपमुख्यमंत्री अजित पवार यांच्या गटात माजी तालुकाध्यक्ष होते. त्यांच्यावरही सुनेवर मानसिक छळ केल्याचा आरोप आहे.

तर, पती शंशाकने पत्नी गरोदर असताना वैष्णवीच्या चारित्र्यावर संशय घेतला होता. पोटात वाढत असलेलं मुल माझं नाहीच, असं म्हणत त्याने मानसिक छळ केला. तसेच वैष्णवीच्या घरच्यांकडून हुंड्यासाठी दबाव टाकत होता.

या प्रकरणात सासू,नणंद आणि दीर पोलिसांच्या ताब्यात असून, सासरा आणि दीर फरार आहे. त्यांचा शोध पोलीस घेत आहेत.

वैष्णवीची जाऊ मयुरीला देखील सासरच्या मंडळींनी छळ करत हुंड्यासाठी दबाव टाकला होता. तिला सासरच्या मंडळींनी मारहाण करत पैसे आणि महागड्या वस्तूंसाठी दबाव टाकला होता. तिने प्रसारमाध्यमांशी संवाद हगवणे कुटुंबाबात अनेक खुलासे केले आहेत.

वैष्णवीचा दीर आणि मयुरीचा नवरा या प्रकरणात फरार असून, तो निर्दोश असल्याचं मयुरीने स्पष्ट केलं आहे. मयुरीच्या नवऱ्यानं त्याला कायम साथ दिली आहे. मात्र, सध्या फरार असल्यामुळे संशयाची सुई त्याच्याकडे वळत आहे.

वैष्णवीचे वडील आनंद कस्पेट यांनी पोलिसांकडे दाखल केलेल्या तक्रारीनुसार, वैष्णवी आणि शंशाक यांचं २८ एप्रिल २०२३ रोजी प्रेमविवाह झाला होता. लग्नात त्यांनी भरभक्कम हुंडा दिला होता. लग्नात ५१ तोळे सोनं, फॉर्च्युनर तसेच इतर महागड्या वस्तू हुंडा म्हणून दिलं होतं. तरीही त्यांची मागणी आणखी वाढत गेली.