भारत आणि झिम्बाब्वे या दोन्ही संघांमध्ये ५ टी-२० सामन्यांची मालिका पार पडली. ही मालिका झाल्यानंतर भारतीय संघ श्रीलंका दौऱ्यावर रवाना होणार आहे. या दौऱ्यासाठी लवकरच भारतीय संघाची घोषणा केली जाणार आहे. दरम्यान भारतीय संघातील वेगवान गोलंदाज चेतन सकारिया विवाह बंधनात अडकला आहे. ज्याचे फोटो सध्या सोशल मीडियावर तुफान व्हायरल होत आहे.
भारतीय संघातील डावखुरा वेगवान गोलंदाज चेतन सकारियाने आपल्या नव्या इनिंगला सुरुवात केली आहे. तो मेघना जामबूचासह विवाह बंधनात अडकला आहे.
चेतन सकारियाच्या विवाह सोहळ्याला भारतीय संघातील स्टार खेळाडू जयदेव उनाडकटनेही हजेरी लावली होती.
जयदेव उनाडकटने आपल्या सोशल मीडिया अकाऊंटवर पोस्ट शेअर करत हटके कॅप्शनही लिहिलं आहे.
डिसेंबर २०२३ मध्ये दोघांचा साखरपुडा झाला होता. त्यावेळी सोशल मीडिया पोस्ट शेअर करत त्याने याबाबत माहिती दिली होती.
चेतन सकारियाच्या विवाह सोहळ्यातील फोटो सध्या सोशल मीडियावर तुफान व्हायरल होत आहे. या फोटोवर नेटकरी प्रतिक्रिया देताना दिसून येत आहेत.
चेतन सकारियाबद्दल बोलायचं झालं तर, त्याने भारतीय संघासाठी वनडे आणि टी-२० क्रिकेटमध्ये पदार्पण केलं आहे. त्याला आतापर्यंत वनडे क्रिकेटमध्ये २ आणि टी-२० क्रिकेटमध्ये १ गडी बाद करता आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.